રાજનીતિમાં એન્ટ્રી / લખનૌમાં મહિલાના થપ્પડ ખાનાર ટેક્સી ડ્રાઇવર આ પાર્ટીમાં જોડાયો, કહ્યું પુરુષોનો મુદ્દો ઉઠાવીશ

• મહિલા દ્વારા 22 લાફા ખાનારા કેબ ડ્રાઈવરની રાજનીતીમાં એન્ટ્રી
• સઆદત અલીએ પ્રગતિશીલ સમાજવાદી પાર્ટીનો હાથ પકડ્યો
• સઆદત અલી પુરૂષો માટે લડશે લડાઈ 

પુરૂષો માટે લડીશ: સઆદત અલી

સઆદત અલીનું કહેવુ છે કે તેઓ પુરૂષોની લડાઈ લડશે. રાજનીતિમાં એન્ટ્રી કરવાના સવાલ પર કૈબ ડ્રાઈવર સઆદત અલીનું કહેવુ છે કે જે પુરૂષો મહિલાથી પીડિત છે, તેવા પુરૂષો માટે ઉભો થવા માંગુ છુ. એટલું જ નહીં, સઆદત અલી હવે આખા દેશના કેબ ડ્રાઈવરની સાથે ઉભા થવા માંગે છે અને તેમનું કહેવુ છે કે હવે તેઓ પુરૂષની અવાજ બનીને ઉભા રહેશે.

પુરૂષોને ન્યાય મળતો નથી

કૈબ ડ્રાઈવર સઆદત અલી મુજબ,  ઘણાં એવા મામલા હોય છે, જેમાં પુરૂષોની સુનાવણી થતી નથી. એવામાં મને હજી સુધી ન્યાય મળ્યો નથી. મારા કેસમાં હજી સુધી પોલીસ તરફથી મને ન્યાય મળ્યો નથી. હવે હું રાજકીય પાર્ટીમાં પ્રવેશ કરી તેના દ્વારા ન્યાય મેળવી શકીશ અને અન્ય પુરૂષોની મદદ કરી શકીશ.

પ્રિયદર્શનીએ સઆદત અલીને 22 લાફા માર્યા હતા

સઆદત અલીની સાથે આવેલા તેમના વકીલે કહ્યું કે અમને ન્યાય મળ્યો નથી. તેથી સઆદત અલીએ પાર્ટીમાં પ્રવેશ કર્યો છે. ઉલ્લેખનીય છે કે, ચાલુ વર્ષે 30 જુલાઈએ લખનઉના બારાબિરવા ચાર રસ્તા પર કૈબ ડ્રાઈવર સઆદત અલીને પ્રિયદર્શની યાદવે બારાબિરવા ચાર રસ્તા પર 22 લાફા માર્યા હતા. જેનો વીડિયો વાયરલ થયો હતો.