ઉત્તર પ્રદેશ / લખનઉ મેલના AC કોચમાં લાગી આગ, કોચમાંથી કુદીને યાત્રીઓએ બચાવ્યો જીવ

• લખનઉ મેલના એસી કોચમાં આગનો બનાવ
• ફાયર બ્રિગેડની ટીમે આગ પર કાબૂ મેળવ્યો
• અંદાજે સવા કલાક બાદ ટ્રેનને રવાના કરાઇ

જો કે લખનઉ મેલના એસી કોચમાં આગ લાગી હોવાની જાણકારી મળતાં રેલવેની ટેકનિકલ ટીમ ઘટના સ્થળે પહોંચી ગઇ હતી અને આગ પર કાબૂ મેળવ્યો હતો. જો કે આગને લઇને ટ્રેન અંદાજે દોઢ કલાક ઉભી રહી હતી અને ત્યારબાદ રવાના થઇ હતી. 

હરદોઇ રેલવે સ્ટેશન પર લખનઉથી દિલ્હી જઇ રહેલ લખનઉ મેલના AC B5 કોચની નીચેથી ધુમાડો નિકળવા લાગ્યો હતો. જ્યારે લોકોએ નીચે નમીને જોયું તો ટ્રેનની હોટ એક્સલ ફાયર થઇ રહી હતી. ત્યાર બાદ સ્ટેશન પર તેમજ ટ્રેન પ્રવાસીઓમાં અફરાતફરી મચી ગઇ હતી. કોચમાં રહેલા યાત્રીઓ અફરાતફરી કરીને બહાર નીકળવા લાગ્યા હતા. 

જો કે ઘટનાની જાણકારી મળતાં રેલવેની ટેકનિકલ ટીમ ફાયર બ્રિગેડની ટીમ લઇને ઘટનાસ્થળે પહોંચી હતી અને આગ પર કાબૂ મેળવ્યો હતો. આમ આગ પર કાબૂ મેળવ્યા બાદ અંદાજે 11-43 મીનિટ પર પહોંચેલ લખનઉ મેલને ત્યાર બાદ ટ્રેનની ટેકનિકલ ટીમે ચેક કરીને અંદાજે સવા કલાક બાદ ટ્રેનને રવાના કરી દીધી.