નવું વર્ષ શરૂ થવામાં ગણતરીના દિવસો જ બાકી રહ્યાં છે, ત્યારે 2021ની શરૂઆત થતાની સાથે જ લોકોના જીવનમાં ઘણા બધા બદલાવ આવશે. તેમાંથી કેટલાક બદલાવ તેવા છે જે આપણી રોજીંદી જીંદગીમાં અસર કરશે. રસોડામાં ઉપયોગ થનારા ગેસ સિલિન્ડરને લઇને પણ કેટલાક મોટા બદલાવ થશે. એલપીજી ગેસમાં 100 રૂપિયાનો વધારો થયો છે.
એલપીજી ગેસના વધ્યા ભાવ
ડિસેમ્બર મહિનામાં વધ્યા 100 રૂપિયા
દર અઠવાડિયે બદલાઇ શકે છે ભાવ
ડિસેમ્બરમાં વધ્યા એલપીજી ગેસના ભાવ
ડિસેમ્બર મહિનામાં એલપીજી ગેસના ભાવ વધ્યા અને તેને બે વાર રિવાઇઝ કરવામાં આવ્યા છે. પહેલી વાર 1 ડિસેમ્બરના રોજ અને બીજી વાર 15 ડિસેમ્બરે ભાવને રિવાઇઝ કરવામાં આવ્યા છે.
આ બદલાવ દરમિયાન ઇન્ટરનેશનલ ઇંધણના ભાવ અને ફોરેન એક્ચેન્જ રેટના આધાર પર નક્કી કરવામાં આવે છે. સુત્રો અનુસાર હવે દર અઠવાડિયે સિલિન્ડરના ભાવ વધશે.
આધારકાર્ડ વિના મળશે LPG સબ્સિડી
ગેસ સિલિન્ડરને બુક કરાવ્યા બાદ હવે સબ્સિડી સીધી તમારા બેંક એકાઉન્ટમાં મોકલવામાં આવે છે. તેના માટે તમારા ગેસ કનેક્શનની સાથે આધાર કાર્ડને લિંક કરવાનું જરૂરી છે. જો હવે તમારી પાસે આધાર કાર્ડ નથી તો પણ તમે આ એક કામ કરીને સબ્સિડી મેળવી શકો છો.
સરકાર LPG ગેસના બુકિંગ પર મળનારી સબ્સિડી સીધી બેંક એકાઉન્ટમાં આપે છે. તેના કારણે તમારા બેંક એકાઉન્ટની સાથે આધાર કાર્ડ લિંક હોવું જરૂરી છે. જો તમારી પાસે આધાર કાર્ડ નથી તો તમે તમારું કાર્ડ બેંક કે ગેસ એજન્સી સાથે લિંક નથી કર્યું તો પણ તમને ગેસની સબ્સિડી મળી શકે છે.
જાણો સબ્સિડી મેળવવા શું કરવાનું રહેશે
આધાર કાર્ડ વિના સબ્સિડી મેળવવા માટે ગ્રાહકે પોતાની ગેસ એજન્સીમાં જઈને એલપીજી ડિસ્ટ્રીબ્યુટરને બેંક ખાતા નંબર આપવાનો રહેશે. આમ કરવાથી ગ્રાહકની સબ્સિડીની રકમ સીધી તેના ખાતામાં જમા થશે. આ સુવિધા તે ગ્રાહકોને અપાઈ છે જેમની પાસે આધાર કાર્ડ નથી. તેનાથી તેને યોજનાનો લાભ મળી શકશે.
ગ્રાહકે આ ચીજોને સાથે રાખવાની રહેશે
આ સમયે તમારે બેંક ખાતાની જાણકારીની સાથે ખાતાધારકનું નામ, બેંકની ખાતા સંખ્યા અને બેંકની બ્રાન્ચની સાથે સાથે આઈએફએસસી કોડ અને 17 અંકનો એલપીજી કન્ઝ્યુમર આઈડી આપવાનું રહેશે.
LPG ને આધાર સાથે આ રીતે કરી લો લિંક
તમારા LPG કનેક્શનને આધાર સાથે લિંક કરવા માટે તમારે રજિસ્ટર્ડ મોબાઈલ નંબરથી કસ્ટમર કેર નંબર 1800 2333 555 પર કોલ કરવાનો રહેશે. આ પછી કસ્ટમર કેર ઓફિસરને તમારો આધાર નંબર આપવાનો રહેશે અને તેનાથી તમે તમારા ગેસ કનેક્શનની સાથે આધાર નંબરને લિંક કરી શકો છો.