સંબંધ લજવાયો / છોકરીના જેટલે ઠેકાણે લગ્ન થયાં તેટલે ઠેકાણે પતિના ફોનમાં આવ્યો તેનો અશ્લિલ વીડિયો, આખરે ખુલ્યો ભેદ

• બિહારના ગોપાલગંજમાં છોકરી સાથે બની ચોંકાવનારી ઘટના
• યુવકે છોકરીનો ઉતારી લીધો અશ્લિલ વીડિયો
• છોકરીના પતિને વીડિયો મોકલીને તોડવાતો રહ્યો સગાઈ 

બિહારના ગોપાલગંજમાં એક છોકરીની બે ત્રણ ઠેકાણેથી થયેલી સગાઈ તૂટી ગઈ અને તેની પાછળ જવાબદાર હતો તેનો યુવાન સાથેનો પોર્ન વીડિયો. ગોપાલગંજમાં એક 25 વર્ષીય યુવકે કથિત રીતે એક યુવતીને પ્રેમજાળમાં ફસાવી હતી અને તેની સાથે લગ્ન કરવાના બહાને પાંચ દિવસ સુધી તેની સાથે શારીરિક સંબંધ બાંધ્યો હતો અને તેનો અશ્લિલ વીડિયો પણ ઉતારી લીધો હતો. 

હવે યુવાને અશ્લિલ વીડિયો મોકલવાનો ખેલ શરુ કર્યો
છોકરીના બીજે ઠેકાણે સગાઈ પણ થઈ ગઈ હતી. પરંતુ યુવાને તેના થનારા પતિને તેની પત્નીનો પોતાની સાથે પોર્ન વીડિયો મોકલી દીધો આથી તેની સગાઈ તૂટી ગઈ હતી. બીજે પણ બે ઠેકાણે આવું થયું હતું. 

છોકરીનો અશ્લીલ વીડિયો કર્યો વાયરલ 
નગર પોલીસ સ્ટેશન વિસ્તારના બસડિલાનો રહેવાસી રાજુ સોની મીરગંજ શહેરમાં જ્વેલરી શોપ ચલાવતો હતો. સાત વર્ષ પહેલા તેની મુલાકાત એક છોકરી સાથે થઇ હતી, જે બાદ બંને એકબીજાની નજીક આવી ગયા હતા. છોકરી લગ્નનું સપનું પણ જોવા લાગી પરંતુ બાદમાં છોકરાએ લગ્નની ના પાડી દીધી અને છોકરીનો અશ્લીલ વીડિયો વાયરલ કરી દીધો. જેના કારણે યુવતીના લગ્ન કરવામાં મુશ્કેલી પડી રહી છે.

અશ્લિલ વીડિયો મોકલાવીને તોડાવ્યાં લગ્ન 
પોલીસ રિપોર્ટમાં નોંધાયેલી પીડિતાની ફરિયાદ મુજબ રાજુ સોનીએ લગ્નના બહાને પાંચ વર્ષ સુધી તેનું શોષણ કર્યું હતું અને બાદમાં તેની સાથે લગ્ન કરવાની ના પાડી દીધી હતી. પરિવારજનોએ યુવતી સાથે બીજે લગ્ન કરવાનું નક્કી કર્યું ત્યારે રાજુ સોની અશ્લીલ વીડિયો મોકલીને લગ્ન તોડતો હતો, જેના કારણે યુવતીના લગ્ન અનેક વખત તૂટ્યા હતા. પીડિત યુવતીએ એસપી સ્વર્ણ પ્રભાતનો સંપર્ક કર્યો છે. એસપીની સૂચનાથી પોલીસે આ કેસમાં એફઆઇઆર નોંધીને કાર્યવાહી શરૂ કરી દીધી છે. પોલીસે આ કેસના તમામ મુદ્દાઓની તપાસ શરૂ કરી દીધી છે.