વિજેતા / ગુજરાતનાં આ ગામમાં હારેલા ઉમેદવાર એક વર્ષ બાદ જીતી ગયા! જાણો કઈ રીતે બદલાયા ચૂંટણી પરિણામો

• ગઢડાના પડવદર ગ્રામ પંચાયતના હારેલા ઉમેદવાર જીત્યા 
• મહિલા ઉમેદવાર  કોર્ટમાં જતા ગઢડા કોર્ટ દ્વારા ફરી મતગણતરી હાથ ધરવામાં આવી
• મત ગણતરી ફરી થતાં દયાબેન ચાવડાને 111 મત મળતા વિજેતા જાહેર કરાયા

ગઢડાના પડવદર ગામે ગ્રામ પંચાયતની ચૂંટણીમાં વોર્ડમાં સભ્ય તરીકે મહિલા ઉમેદવાર દયાબેન ચાવડાને ચુંટણી પંચે હારેલા જાહેર કરાયા હતા. ત્યારે મહિલા ઉમેદવાર કોર્ટમાં જતા ગઢડા કોર્ટ દ્વારા ફરી મતગણત્રરી હાથ ધરવામાં આવી હતી. જેમાં મહિલા ઉમેદવારને 111 મત મળતા તેણીને વિજેતા જાહેર કરવામાં આવ્યા હતા. ફરીથી મતગણતરીમાં વિજેતા જાહેર થતા ચૂંટણીપંચની કાર્યવાહી સામે સવાલો ઉભા થયા છે.

વર્ષ 2021માં પંચાયતી રાજની ચૂંટણી યોજાઈ હતી

બોટાદ જિલ્લાના ગઢડા તાલુકાના પડવદર ગામે ગત વર્ષ 2021માં પંચાયતી રાજની ચૂંટણી યોજાઈ હતી. આ પડવદર ગ્રામ પંચાયતની ચૂંટણીમાં એક મહિલા ઉમેદવારએ ફોર્મ ભર્યું હતું. જે સરકારી ચોપડે હારેલા જાહેર કર્યા બાદ મતગણતરીના સમયે પોતાની હાજરીમાં મતોની ગણતરી થઈ તે દરમિયાન પ્રતિસ્પર્ધીની સરખામણીએ પોતાને મળેલા મતો મુજબ વિજયતા હોવા છતા હારેલા જાહેર કરવામાં આવ્યા હતા. મહિલા ઉમેદવારે ન્યાય માટે કોર્ટના દ્વાર ખખડાવતા કોર્ટે ફેરી મતગણતરી કરવાનો આદેશ કર્યો હતો. જેને લઇને ફરી મત ગણતરી થતાં દયાબેન ચાવડાને 111 મત મળતા વિજેતા જાહેર કરાયા હતા. ચૂંટણી બાદ એક વર્ષના અંતે મહિલા ઉમેદવારને ન્યાય મળ્યો હતો. 
 
તંત્રની કામગીરી સામે અનેક સવાલો

કોર્ટ સમક્ષ ફરી મતગણતરી થતાં  મહિલા ઉમેદવાર દયાબેનને 112 મતોમાંથી એક મત રદ થતા 111 મતો મળેલા હોવાનું અને પ્રતિસ્પર્ધી વિમળાબેનને ૬૧ મતો મળેલા હોવાથી દયાબેન ચાવડા ૫૦ મતોથી વિજેતા થયા હતા. ચૂંટણી પંચનું પરિણામ ખોટુ સાબિત થયાનું પૂરવાર થતા તંત્રની કામગીરી સામે અનેક સવાલો ઉઠી રહ્યા છે.