રોષ / VIDEO: નેતાના ભાઇનો પાવર તો જૂઓ, સુરતના દિવ્યાંગ કિશોરને એરપાઈપથી ફટકાર્યો

• સુરતના ડિંડોલીમાં નેતાના ભાઈની દાદાગીરી
• દિવ્યાંગ કિશોરને લાકડીથી ફટકાર્યો
• નેતાનો ભાઈ ગુંડાગીરી પર ઊતરી આવ્યો

સુરતમાં વકીલ મેહુલ બોઘરા પર હુમલો થવાની ઘટનાના પડઘા હજુ શમ્યા નથી ત્યાં આ નવી ઘટનાએ લોકોમાં રોષની લાગણી જન્માવી છે. કારણ એ છે કે, આ શહેરમાં હવે નેતા જ નહીં પરંતુ તેમના ભાઈઓ પણ સરાજાહેર દાદાગીરી કરીને ખૌફ પેદા કરવાનો પ્રયત્ન કરી રહ્યા છે.સુરતના ડિંડોલી વિસ્તારમાં સુરત મહાનગરપાલિકાના ભાજપના ભૂતપૂર્વ નગરસેવક અને શાસક પક્ષના નેતાના ભાઈએ કાયદો હાથમાં લીધો હતો. જેમા નેતાના ભાઈએ દિવ્યાંગ કિશોરને જાહેરમાં દંડા ફટકારતા લોકોમાં રોષ ફેલાયો હતો.

લારી હટાવવાનું કહ્યા બાદ દિવ્યાંગ પર નેતાનો ભાઇ તુંટી પડ્યો
સુરતના ડિંડોલી વિસ્તારમાં આવેલા ઓમનગર ખાતેના જાહેર રસ્તા પર એક કિશોર લારી લઈને કેળાંનું વેચાણ કરતો હતો. આ દરમિયાન સુરત મહાનગરપાલિકાના ભૂતપૂર્વ શાસક પક્ષના નેતા દયા શંકરસિંહના ભાઈ કૃપાશંકર હાથમાં લાકડી સાથે ત્યાં પહોંચ્યા હતા. તેમણે  કેળાંનું વેચાણ કરતા કિશોરને ત્યાંથી દૂર જતો રહેવાનું કહ્યું હતું. જો કે, કિશોર હજુ પોતાની લારીને આગળ ધકેલે તે પહેલાં તો કૃપાશંકર ક્રોધિત થઈને માસૂમ કિશોર પર લાકડી લઈને તૂટી પડ્યો હતો. કિશોર હાથ જોડતો રહ્યો અને કૃપાશંકર લાકડીના ફટકા મારતા રહ્યા, નેતાના ભાઈનુ આવું સ્વરૂપ જોઈને આસપાસમાં લોકો પણ અચંબિત થઈ ગયા હતા.

સ્થાનિકો દ્વારા વીડિયો બનાવી વાયરલ કરાયો
જો કે, દયાશંકરના ભાઈ કૃપાશંકર દ્વારા માર મારવાની ઘટનાનો વીડિયો સ્થાનિકો દ્વારા મોબાઈલમાં ઉતારી લેવામાં આવ્યો હતો, જેને કારણે આ વીડિયો સોશિયલ મીડિયામાં વાયઇલ થયો છે. સમગ્ર ઘટના અંગે ડિંડોલી પોલીસે ગુનો નોંધી વધુ તપાસ હાથ ધરી છે. પરંતુ સવાલ એ  છે કે, નગરસેવકોના ભાઈ જ જો સામાન્ય જનતા સાથે આવો વ્યવહાર કરશે તો જનતા ન્યાય અને સુરક્ષાની આશા કોની પાસે રાખશે?