અભ્યાસ / યુવાનોમાં ડાયાબિટીસ અને કિડની સહિતનાં ગંભીર રોગોનું વધ્યું જોખમ, કોરોના પર રિસર્ચ કરતાં વૈજ્ઞાનિકોનો ધડાકો

• યુવાનોમાં ગંભીર રોગ અને મૃત્યુનું જોખમ વધારે છે કોવિડ-19
• દિલ્હીની સર ગંગારામ હોસ્પિટલના સંશોધકોએ કર્યો અભ્યાસ 
• મહિલાઓમાં ગંભીર રોગોનું જોખમ વધારે 

ભારતમાં સતત વધી રહેલા કોરોના કેસો વચ્ચે એક ચોંકાવનારું તારણ સામે આવ્યું છે. કોરોના ચેપને કારણે મૃત્યુ દર પર સંશોધન કરી રહેલી વૈજ્ઞાનિકોની એક ટીમે મોટો ખુલાસો કર્યો છે. સંશોધકોએ અહેવાલ આપ્યો છે કે, રોગચાળાના પ્રથમ તબક્કા દરમ્યાન ક્રોનિક કિડની ડિસીઝ (CKD), ડાયાબિટીસ અને હાઈ બ્લડ પ્રેશર જેવી કોમોર્બિડિટીઝ ધરાવતી યુવતીઓને મૃત્યુનું જોખમ વધારે હતું.

લાંબા કોવિડમાં ગંભીર રોગોનું જોખમ

નિષ્ણાતો માટે સંક્રમણની સાથે સાથે લાંબા કોવિડની સમસ્યાઓ પણ ચિંતાનું કારણ બની રહી છે. તાજેતરના અભ્યાસમાં, સંશોધકોએ શોધી કાઢ્યું છે કે, ચેપમાંથી સાજા થનારા લોકોમાં ગંભીર ન્યુરોડિજનરેટિવ ડિસઓર્ડરનું જોખમ વધારે છે. ઓસ્ટ્રિયાના વિયેનામાં 8મી યુરોપિયન એકેડેમી ઓફ ન્યુરોલોજી (EAN) કોંગ્રેસમાં રવિવારે રજૂ કરાયેલા આ અભ્યાસમાં વૈજ્ઞાનિકોએ આ ગંભીર ખતરાની ચેતવણી આપી છે. સંશોધકોએ શોધી કાઢ્યું હતું કે, 919,731 લોકો પર હાથ ધરવામાં આવેલા પરીક્ષણમાં, અલ્ઝાઈમર જેવા ન્યુરોડિજનરેટિવ ડિસઓર્ડરનું જોખમ કોવિડ પોઝિટિવ જોવા મળતા લોકો કરતા 3.5 ગણું વધારે હતું. નિષ્ણાતોએ લોંગ કોવિડની આ સમસ્યા વિશે એલર્ટ કર્યું છે.

કોમોર્બિડિટીઝની સમસ્યા હોય તેઓ સાચવજો 

વિજ્ઞાનીઓનું કહેવું છે કે, જે લોકોને પહેલાથી જ કોમોર્બિડિટીઝની સમસ્યા હોય તેઓએ ખાસ સાવચેતી રાખવાની જરૂર છે, તે ચેપની સ્થિતિમાં મૃત્યુનું જોખમ ઘણી હદ સુધી વધારી શકે છે. રાજધાની દિલ્હીની સર ગંગારામ હોસ્પિટલના સંશોધકોની ટીમે ચેપને કારણે મૃત્યુના જોખમને જાણવા માટે અભ્યાસ કર્યો હતો. 

દિલ્હીની સર ગંગારામ હોસ્પિટલના સંશોધકોએ શું કહ્યું ? 

દિલ્હીની સર ગંગારામ હોસ્પિટલના સંશોધકો દ્વારા 8 એપ્રિલથી 4 ઓક્ટોબર, 2020 સુધી હોસ્પિટલમાં દાખલ થયેલા 2,586 ચેપગ્રસ્ત લોકોના ડેટાનો અભ્યાસ કરવામાં આવ્યો હતો. મોલેક્યુલર એન્ડ સેલ્યુલર બાયોકેમિસ્ટ્રી જર્નલમાં પ્રકાશિત થયેલા અભ્યાસમાં વૈજ્ઞાનિકોની ટીમે તારણ કાઢ્યું છે કે, જે લોકોને પહેલાથી જ ક્રોનિક કિડની ડિસીઝ છે, જો તેઓને ઈન્ફેક્શન થઈ જાય તો તે ગંભીર બીમારી અને મૃત્યુનું જોખમ વધારી શકે છે.

અભ્યાસમાં શું-શું મળ્યું ?

અભ્યાસ માટે, સંશોધકોએ 2,586 સંક્રમિતોના ડેટાને વયના આધારે બે શ્રેણીઓમાં વિભાજિત કર્યા. પ્રથમ જૂથમાં 18-59 વર્ષના લોકોને રાખવામાં આવ્યા હતા જ્યારે બીજા જૂથમાં 60 વર્ષથી વધુ વયના લોકોને રાખવામાં આવ્યા હતા. ટીમે આ હોસ્પિટલમાં દાખલ દર્દીઓમાં પહેલાથી અસ્તિત્વમાં રહેલા કોઈપણ રોગો વિશે માહિતી મેળવી અને તેના આધારે, ચેપની તીવ્રતાના જોખમનું અવલોકન કર્યું. વૈજ્ઞાનિકોની ટીમે શોધી કાઢ્યું છે કે કોમોર્બિડિટી ચેપ દરમ્યાન ગંભીર બીમારી અને રિકવરી પછી લાંબા સમય સુધી કોવિડ બંનેનું જોખમ વધારે છે.

મહિલાઓમાં ગંભીર રોગોનું જોખમ વધારે 

સંશોધકોએ શોધી કાઢ્યું હતું કે, પુરૂષ દર્દીઓ (69.6 ટકા) મહિલાઓની સરખામણીમાં કોવિડ-19ને કારણે હોસ્પિટલમાં દાખલ થવાની શક્યતા બમણી કરતાં વધુ છે (30.4 ટકા), જોકે સ્ત્રીઓમાં ચેપની તીવ્રતા અને મૃત્યુનું જોખમ વધુ જોવા મળ્યું હતું. .

શું કહે છે નિષ્ણાતોની ટીમ ? 

સર ગંગારામ હોસ્પિટલના બ્લડ ટ્રાન્સફ્યુઝન વિભાગના વડા અને અભ્યાસના સહ-લેખક ડો. વિવેક રંજને જણાવ્યું હતું કે, "અમારા અભ્યાસ દર્શાવે છે કે, કોમોર્બિડિટીઝવાળા વૃદ્ધ લોકો વૃદ્ધ લોકો કરતા સમાન સમસ્યાઓ માટે વધુ સંવેદનશીલ હોય છે. COVID-19 ની તીવ્રતા યુવાનોમાં ચેપ અને મૃત્યુનું જોખમ વધુ હોવાનું જણાયું હતું. આવા લોકોને ICUમાં દાખલ થવાનું જોખમ પણ વધારે છે. આના આધારે એવું કહી શકાય કે જે લોકોને પહેલાથી જ કોઈ પણ પ્રકારની બીમારી છે તેમને ખાસ કરીને કોરોના સંક્રમણથી બચાવવાની જરૂર છે. Omicron જેવા નવા પ્રકારો પણ તમારા માટે ગંભીર સમસ્યાઓનું કારણ બની શકે છે.