ન્યૂ દિલ્હીઃ લોકસભા ચૂંટણીનાં પ્રથમ ચરણનું મતદાન 11 એપ્રિલનાં રોજથી શરૂ થશે પરંતુ કેટલીક જગ્યાઓ પર તો મતદાન પણ શરૂ થઇ ચૂકેલ છે. આમાં ચોંકવા જેવું કંઇ નથી, 2019 ચૂંટણીને લઇ પ્રથમ વોટ નાખી દેવામાં આવેલ છે. શુક્રવારનાં રોજ ભારતીય-તિબ્બત સીમા પોલીસ (ITBP)નાં 80 જવાનોએ અરૂણાચલ પ્રદેશનાં લોહિતપુરમાં એનિમલ ટ્રેનિંગ સ્કૂલમાં પોસ્ટલ બૈલેટને આધારે વોટ નાખ્યો. ITBPનાં પ્રવક્તાએ જણાવ્યું કે, ડીઆઇજી સુધાકર નટરાજને જવાનોમાં સૌથી પ્રથમ વોટ નાખ્યો.
તમને જણાવી દઇએ કે પોસ્ટલ બૈલેટને સંબંધિત લોકસભા ક્ષેત્રમાં મોકલવામાં આવશે. જ્યાં 23મેંનાં રોજ મતગણતરીનાં દિવસે તેની ગણતરી થશે. અરૂણાચલ પ્રદેશનાં દૂરદૂરનાં વિસ્તારોમાં સ્થિત ITBPનાં બીજા યુનિટોમાં પણ જવાન પોસ્ટલ બૈલેટને આધારે વોટ નાખશે. ઉલ્લેખનીય છે કે પોતાનાં લોકસભા ક્ષેત્રથી બહાર તૈનાત, સેના, પોલીસ અને રાજ્ય પોલીસનાં જવાનોને સર્વિસ વોટર્સ કહેવાય છે. આ સિવાય રાજનયિક અને અન્ય સપોર્ટને પણ સર્વિસ વોટર કહેવાય છે.
આ સિવાય મતદાન કર્મી અને ત્રિપુરામાં બે ચરણોમાં યોજાનાર લોકસભા ચૂંટણી માટે તૈનાત કરવામાં આવેલ જવાન પણ આજે અને 12 એપ્રિલનાં રોજ વોટ નાખશે. સર્વિસ વોટર્સને માટે પશ્ચિમ ત્રિપુરા લોકસભા ક્ષેત્રમાં 8 એપ્રિલ અને પૂર્વી ત્રિપુરા ક્ષેત્ર માટે 12 એપ્રિલનાં રોજ થનાર પોસ્ટલ બૈલેટ મતદાનને લઇને અંદાજે 7,000 બૈલેટ પેપર્સનો ઉપયોગ કરવામાં આવશે.
ચૂંટણી આયોગે ફેબ્રુઆરીમાં કહ્યું હતું કે, 2014ની તુલનામાં આ લોકસભા ચૂંટણી માટે સર્વિસ વોટરોંની સંખ્યામાં ખૂબ જ સારો એવો વધારો દાખલ કરવામાં આવ્યો છે. આયોગે કહ્યું હતું કે, અંદાજે 30 લાખ એવાં વોટર છે. આયોગે કહ્યું કે, જો કે, આની સંખ્યા કુલ વોટર્સની તુલનામાં અંદાજે 0.33% છે પરંતુ દરેક વોટ કિંમતી હોય છે. 17મી લોકસભાની ચૂંટણી કુલ 7 ચરણોમાં થશે અને પહેલાં ચરણનું મતદાન 11 એપ્રિલનાં રોજ થશે. 19મેંનાં રોજ સાતમાં ચરણનું મતદાન થશે અને 23મેંનાં રોજ મતગણતરી થશે.