બળાપો / VIDEO: શખ્સે સ્ટેજ પર નેતાજીના ખભે હાથ મૂકી કહ્યું, કોઈ વાયદો પૂરો નથી કર્યો... જોતાં રહી ગયા કાર્યકરો

• દાણીલીમડાના કોંગ્રેસના ઉમેદવાર પર મોટો આરોપ
• 5 વર્ષમાં કામગીરી ન કરી હોવાનો આરોપ
• વીડિયો સોશિયલ મીડિયામાં વાયરલ

ગુજરાત વિધાનસભા ચૂંટણીની તારીખો જાહેર થતાં તમામ પક્ષોના ઉમેદવારોએ પ્રચાર-પ્રસારના શ્રીગણેશ કર્યા છે. આ પ્રચાર દરમિયાન ઘણી વખત ઉમેદવારોને કડવો અનુભવ પણ થતો હોય છે. આવો જ એક કડવો અનુભવ દાણીલીમડાના કોંગ્રેસના ઉમેદવાર શૈલેષ પરમારને થયો છે. શૈલેષ પરમાર અમદાવાદના ગોમતીપુરના ટોપીમીલ વિસ્તારમાં પ્રચાર માટે ગયા હતા. આ દરમિયાન સ્થાનિકે શૈલેષ પરમારને 5 વર્ષના કામ ગણાવ્યા હતા. સાથે કોંગ્રેસ ઉમેદવારને પાઠ ભણાવ્યો હતો. 

સ્થાનિકની દલીલો સામે કોંગ્રેસ ઉમેદવાર શૈલેશ પરમાર રહ્યા ચૂપ 
જેમાં સ્થાનિકે શૈલેષ પરમાર પર આક્ષેપ કરતા કહ્યું કે, શૈલેષ પરમારે 5 વર્ષ દરમિયાન કાંઈ પણ કામ કર્યું નથી. સ્થાનિકે જાહેર મંચ પર શૈલેષ પરમાર સાથે ઉભા રહીને આ આક્ષેપ કર્યો હતો. જેનો વીડિયો અત્યારે સોશિયલ મીડિયામાં વાયરલ થઇ રહ્યો છે. વીડિયોમાં દેખાઈ રહ્યું છે કે, સ્થાનિક શૈલેષ પરમાર પર આક્ષેપ કરી રહ્યા છે અને શૈલેષ પરમાર ચૂપચાપ બધું સાંભળી રહ્યા છે.

જુઓ વીડિયો