ગુજરાતમાં સ્થાનિક સ્વરાજ્યની ચૂંટણીના પડઘમ વાગી રહ્યા છે. નવેમ્બરના અંતમાં આ ચૂંટણી યોજાઈ શકે છે આ અંગે હાલ તપાસ કરાઈ રહી હોવાનું જાણવા મળ્યું છે. આ તારીખોની તૈયારીઓ જો કે અત્યારથી જ શરૂ કરી દેવામાં આવી છે.
ગુજરાતમાં મનપાની ચૂંટણીને લઇ મહત્વના સમાચાર
22થી 30 નવેમ્બર વચ્ચે યોજાઇ શકે છે ચૂંટણી
રાજ્યના ચૂંટણી વિભાગે તૈયારીઓ કરી શરૂ
ગુજરાતમાં મનપાની ચૂંટણીને લઇ મહત્વના સમાચાર સામે આવી રહ્યા છે. 22થી 30 નવેમ્બર વચ્ચે ચૂંટણી યોજાઇ શકે છે. રાજ્યના ચૂંટણી વિભાગે આ અંગે તૈયારીઓ શરૂ કરી છે. કોરોના ગાઇડલાઇન હેઠળ ચૂંટણી યોજવાની સમીક્ષા કરાઇ રહી છે.
આ તારીખોમાં યોજાશે ચૂંટણી
ચૂંટણી પંચ 20થી 30 ઓક્ટોબરમાં જાહેરાત કરી શકે છે. 31 જિલ્લા પંચાયતની ચૂંટણી પણ નવેમ્બરના અંતમા જ યોજાશે. 231 તાલુકા પંચાયતની ચૂંટણી પણ જિલ્લા પંચાયતની ચૂંટણી સાથે યોજાશે. 55 નગરપાલિકાની ચૂંટણી પણ નવેમ્બરના અંતમાં થશે.
ભાજપ જાહેર કરી શકે છે પ્રદેશ માળખુ
સ્થાનિક સ્વરાજ્યની ચૂંટણી પહેલા ભાજપ પોતાનું નવું પ્રદેશ માળખું જાહેર કરશે એટલું જ નહીં પરંતુ આ અંગેનો ચૂંટણી પ્રચાર અત્યારથી જ શરૂ કરી દેવામાં આવ્યો છે. વળી પ્રદેશ પ્રમુખ C R PATILનો પણ એસિડ ટેસ્ટ થશે.
કોંગ્રેસ મરણિયુ થઈ કરી રહ્યું છે પ્રયાસ
કોંગ્રેસ આ અંગે મરણિયું થઈને પ્રયાસ કરી રહ્યું છે. તે પણ પોતાના પ્રદેશ માળખામાં ફેરફારની ેચળવળ કરી રહ્યું છે જો કે એ જોવું રહ્યું કે ચુટંણી જંગમાં ભાજપ માટે સામાન્ય માણસમાં જોવા મળતો આક્રોશ કોંગ્રેસને ફળે છે કે કેમ?