આકરો નિર્ણય / તમારા પાસે ચીનના ફોન હોય તો પ્લીઝ ફેંકી દો : જાણો આ દેશમાં કેમ અપાયો આવો આદેશ

• લિથુઆનિયામાં સંરક્ષણ મંત્રાલયની એક સલાહ પર થયો હોબાળો
• સરકારે પોતાના નાગરિકોને કરી છે અપીલ
• નાગરિકો પોતાની પાસે રહેલા મેડ ઈન ચાઈના મોબાઈલને ફેંકી દે

સાઈબર સુરક્ષા વિન્ગનો ખુલાસો

આ સલાહની બદલે એવા સરકારી રિપોર્ટનો હવાલો આપવામાં આવ્યો છે કે જે મુજબ તપાસમાં પુષ્ટિ કરવામાં આવી છે કે ચાઈના ફોન અને ડિવાઈસમાં સેન્સરશિપની ક્ષમતા રહેલી છે. દેશની સાઈબર સુરક્ષા વિન્ગ મુજબ, ચીનની સ્માર્ટફોન કંપની શાઓમી દ્વારા યુરોપમાં વેચવામાં આવતા ફ્લેગશિપ ફોનમાં ફ્રી તિબ્બત, લોન્ગ લિવ તાઈવાન ઈન્ડિપેન્ડન્સ અને ડેમોક્રેસી મૂવમેન્ટ જેવા શબ્દોની ભાળ મેળવવી અને તેને સેન્સર કરવાની ક્ષમતા છે.

શાઓમીએ કોઈ જવાબ આપ્યો નથી

સંરક્ષણ મંત્રાલયની રાષ્ટ્રીય સાઈબર સુરક્ષા કેન્દ્રએ રિપોર્ટમાં કહ્યું છે કે શાઓમીના Mi 10T 5G ફોન સોફ્ટવેરની ક્ષમતા યૂરોપીય સંઘ ક્ષેત્ર માટે બંધ કરી દીધી હતી. પરંતુ તેને કોઈ પણ સમયે ગમે ત્યાથી ચાલુ કરી શકાય છે. નાયબ સંરક્ષણ મંત્રી માર્ગિરિસે મીડિયા સાથે વાતચીત કરતા કહ્યું છે કે અમે નાગરિકોને વિનંતી કરી છે કે નવા ચીનના સ્માર્ટફોન ના ખરીદો અને પહેલાં ખરીદેલા ફોનથી જલ્દી છૂટકારો મેળવો. જોકે, આ આખા મામલે શાઓમી તરફથી હજુ સુધી કોઈ જવાબ આપવામાં આવ્યો નથી.

અમેરિકા અને બ્રિટને પણ દર્શાવી છે ચિંતા

ઉલ્લેખનીય છે કે, આ અગાઉ અમેરિકાના પૂર્વ રાષ્ટ્રપતિ ડોનાલ્ડ ટ્રમ્પ સહિત ઘણાં દેશોના નેતા ચીનના 5G નેટવર્ક પર સવાલ ઉઠાવી ચૂક્યા છે. તો કેટલાંક દેશોની સરકારોએ નિયમો બનાવીને પોતાના દેશમાં ચીનની કંપનીના ઉત્પાદનો પર પ્રતિબંધ પણ લગાવ્યો છે. શાઓમી પહેલાં ચીનની ટેક જાયન્ટ કંપની હુવાવેઈ પર પણ તેના ઉપકરણો દ્વારા જાસુસીનો આરોપ લાગ્યો છે.