યુપી / જન્માષ્ટમીએ જે કહ્યું ગણેશ ચતુર્થીએ કર્યું : CM યોગીએ મથુરા-વૃંદાવન પર લીધો મોટો નિર્ણય, કૃષ્ણભક્તો થયા ખુશ

• યુપીમાં યોગી સરકારનો મોટો નિર્ણય 
• મથુરા અને વૃંદાવન તીર્થ ક્ષેત્ર જાહેર 
• દારૂ અને માંસનાં વેચાણ પર પ્રતિબંધ 

યુપીમાં લેવાયો મોટો નિર્ણય 
ઉત્તર પ્રદેશ સરકારે મથુરા અને વૃંદાવનને લઈને આજે મોટો નિર્ણય કર્યો છે. હવે શ્રીકૃષ્ણ જન્મસ્થળ દસ કિમીનાં વિસ્તારને તીર્થ સ્થળ જાહેર કરી દેવામાં આવ્યો છે. આ ક્ષેત્રમાં આવનાર 22 નગર નિગમ વોર્ડમાં દારૂ અને માંસના વેચાણ પર પ્રતિબંધ મૂકી દેવામાં આવ્યો છે. 

#UPCM श्री @myogiadityanath जी ने मथुरा-वृंदावन में श्री कृष्ण जन्म स्थल को केंद्र में रखकर 10 वर्ग कि.मी. क्षेत्र के कुल 22 नगर निगम वार्ड, क्षेत्र को तीर्थ स्थल के रूप में घोषित किया है।
@spgoyal @sanjaychapps1 @74_alok pic.twitter.com/wS6P6SnRYN

— CM Office, GoUP (@CMOfficeUP) September 10, 2021

પ્રતિબંધને લઈને યોગી આદિત્યનાથનાં કાર્યાલય દ્વારા ટ્વિટ કરીને જાહેરાત કરવામાં આવી છે. 

કૃષ્ણ ભક્તો ખુશ થયા 
નોંધનીય છે કે ઉત્તર પ્રદેશનાં મુખ્યમંત્રી યોગી આદિત્યનાથે જન્માષ્ટમીએ મથુરામાં વાયદો અકર્યો હતો કે આ સ્થળને તીર્થસ્થળ જાહેર કરવામાં આવવો જોઈએ. તેમણે કહ્યું હતું કે આ વિસ્તારમાં માંસ અને દારૂનું વેચાણ કરવું જોઈએ નહીં. જન્માષ્ટમીએ યોગી આદિત્યાનાથે જે કહ્યું હતું તે આજે ગણેશ ચતુર્થીનાં દિવસે લાગુ કરી દેવામાં આવ્યું છે. નોંધનીય છે કે આ નિર્ણયનાં કારણે મથુરાનાં ઘણા બધા સંતો અને કૃષ્ણભક્તોમાં ખુશીનો માહોલ છવાઈ ગયો છે. 

CM યોગીએ કરી હતી જાહેરાત 
આ સિવાય મુખ્યમંત્રીએ જન્માષ્ટમીએ એમ પણ કહ્યું હતું કે આ નિર્ણયનાં કારણે જે લોકોનાં વ્યવસાય પર અસર પડવાની છે તેમને અમે બીજી જગ્યાએ કામ આપીશું પરંતુ આ વિસ્તારથી તેમને હટાવવામાં આવશે. કોઈને પરેશાન કરવામાં આવશે નહીં અને બધાનું વ્યવસ્થિત પુનર્વાસ કરવામાં આવશે. 

યુપીમાં મોટા પાયે ચાલી રહ્યું છે કામ 
યુપીમાં તીર્થસ્થળોમાં વિકાસના કાર્યો ચાલી રહ્યા છે. અયોધ્યા, વારાણસી, મથુરામાં સારામાં સારી સુવિધા ઉભી કરવાનું કામ ચાલી રહ્યું છે. અયોધ્યામાં રામ મંદિર નિર્માણ કાર્ય ખુબ જ ઝડપી ચાલી રહ્યું છે. 2024 સુધીમાં રામ મંદિરનું કામ પૂર્ણ થઈ જાય તે રીતે કામ ચાલુ કરાઈ રહ્યું છે. નરેન્દ્ર મોદીના ડ્રીમ પ્રોજેક્ટ એવા કાશી વિશ્વનાથ કોરિડોરનું પણ ચાલી કામ ઝડપી રીતે ચાલી રહ્યું છે. હાલ યોગીએ   આ તમામ સ્થળે આવતા રસ્તાઓને નવા બનાવવાનો આદેશ આપી દીધો છે.