કારોબાર / LIC IPOની પ્રાઈઝ બેન્ડ પ્રતિ શેર રૂ.902-949 થઈ નક્કી, પોલિસી ધારકોને મળશે ભારે ડિસ્કાઉન્ટ : સૂત્રો

• 4 મે બહાર પડશે LICનો બહુચર્ચિત IPO
• LICના પ્રાઈસ બેન્ડ જાહેર થયા
• એક શેર દીઠ 902-949ની કિંમત થઈ નક્કી 

ભારતીય જીવન વીમા નિગમ (એલઆઈસી)ના આઈપીઓ વિશે સંપૂર્ણ માહિતી સામે આવી છે. રિટેલ રોકાણકારો માટેનો આઈપીઓ 4 મેના રોજ ખુલશે અને 9 મેના રોજ બંધ થશે. 

પ્રાઇસ બેન્ડ 902થી 949 રૂપિયા નક્કી કરાઈ 

સરકારી સૂત્રોના જણાવ્યાનુસાર આજે એલઆઈસી બોર્ડની મહત્વની બેઠક મળી હતી જેમાં આઈપીઓ માટે પ્રાઇસ બેન્ડ 902 રૂપિયાથી 949 રૂપિયા નક્કી કરવામાં આવી હતી. 

પોલિસી ધારકોને શેર દીઠ રૂ.60નું ડિસ્કાઉન્ટ

રિટેલ રોકાણકારો અને એલઆઇસીના કર્મચારીઓ જો આ આઇપીઓ માટે અરજી કરશે તો તેમની પાસેથી 40 રૂપિયા પ્રતિ શેર ઓછો ચાર્જ લેવામાં આવશે. જ્યારે પોલિસી હોલ્ડર્સ માટે શેર દીઠ 60 રૂપિયાની છૂટ મળશે. આઈપીઓના ઈશ્યૂ સાઈઝ 21,000 કરોડ રૂપિયા છે, અને આઈપીઓ દ્વારા લગભગ 22.14 કરોડ શેર વેચવામાં આવશે.

કેટલો કરોડનો છે એલઆઈસીનો આઈપીઓ 

પહેલા સરકાર દેશની સૌથી મોટી જીવન વીમા કંપનીમાં 5 ટકા હિસ્સો વેચવાની હતી, પરંતુ હવે સરકાર આઈપીઓ માટે માત્ર 3.5 ટકા હિસ્સો જ આપશે.આઈપીઓ માટે એલઆઈસીનું વેલ્યુએશન વધારીને 6 લાખ કરોડ રૂપિયા કરવામાં આવ્યું છે. આ મુજબ હવે આ આઈપીઓની સાઈઝ 21,000 કરોડ રૂપિયા થઈ જશે. જો કે એક અધિકારીનું કહેવું છે કે જો માર્કેટમાં ડિમાન્ડ સારી રહેશે તો સરકાર તેમાં 5 ટકાનો વધારો કરી શકે છે.

વેલ્યુએશન 6 લાખ કરોડ રૂપિયા

એલઆઈસી આઈપીઓની ચર્ચા શરૂ થઈ ત્યારે સરકારે તેનું વેલ્યુએશન 17 લાખ કરોડ રૂપિયા આંકવામાં આવ્યું હતું. પરંતુ હવે આ આઈપીઓને હિટ બનાવવા માટે એલઆઈસીનું વેલ્યુએશન વધારીને 6 લાખ કરોડ રૂપિયા કરી દેવામાં આવ્યું છે.એલઆઈસીનો આઈપીઓ સરકારના ડિસઈન્વેસ્ટમેન્ટ ટાર્ગેટનો ભાગ છે. સરકારે નાણાકીય વર્ષ 2022-23માં ડિસઇન્વેસ્ટમેન્ટથી 65,000 કરોડ રૂપિયા એકત્ર કરવાનું લક્ષ્ય રાખ્યું છે. આ પહેલા આ આઈપીઓ 31 માર્ચ 2022 સુધી આવવાનો હતો. પરંતુ રશિયા-યુક્રેન યુદ્ધને કારણે બદલાયેલી વૈશ્વિક સ્થિતિ વચ્ચે તેની તારીખ મોકૂફ રાખવામાં આવી હતી.

ક્યારે ખુલશે એલઆઈસીનો આઈપીઓ

એલઆઈસીનો આઈપીઓ 4 મે રોજ ખુલવાના રિપોર્ટ છે. એલઆઈસીના આઈપીઓનું કદ 21,000 કરોડનું છે અને તેમાં પોલિસી ધારકો અને કર્મચારીઓને વિશેષ છૂટની પણ જાહેરાત કરવામાં આવી છે.