13 ઓગસ્ટને વિશ્વ ડાબોડી દિવસ તરીકે ઉજવવામાં આવે છે. આ દિવસ દુનિયાના લગભગ 10 ટકા લોકો માટે મનાવવામાં આવે છે જે પોતાના જમણા નહીં પણ ડાબા હાથથી કામ કરે છે. આ દિવસની ઉજવણીની શરૂઆત 13 ઓગસ્ટ 1991થી કરવામાં આવી હતી.
વિજ્ઞાન માને છે કે જો માતા પિતામાંથી કોઈ એક ડાબોડી હોય તો બાળક ડાબોડી હોવાની શક્યતા વધી જાય છે.
માનવામાં નહીં આવે પણ બરાક ઓબામા, નેપોલિયન બોર્નાપાર્ટ, ક્વીન વિક્ટોરિયા, અલબર્ટ આઇનસ્ટાઈન, જોર્જ બુશ, અમિતાભ બચ્ચન, ટોમ ક્રૂઝ, સૌરવ ગાંગૂલી સહિત અનેક સેલિબ્રિટી છે જેઓ ડાબોડી હોવા છતાં પોતાની સફળ કરિયર બનાવી ચૂક્યા છે.
ડાબોડી લોકો ખાસ કરીને ટેનિસ, બેઝબોલ, સ્વિમિંગ જેવી ગેમ્સમાં માહિર હોય છે.
ડાબોડી લોકોને ન્યૂઝ પેપર્સ કે બુક્સના પાનાં ફેરવવામાં તકલીફ પડે છે અને તેમનું ધ્યાન ડાયવર્ટ થાય છે.
ખાસ જગ્યાઓ પર એન્ટ્રી અને એક્ઝિટ મશીન હોય ત્યારે પણ થોડી તકલીફ રહે છે.
લેફ્ટ હેન્ડ સાઈડ પર કાર્ડ સ્વેપ કરવાની સુવિધા પણ ભાગ્યે જ જોવા મળે છે.
ડાબોડી લોકોને મ્યુઝિક ઇન્સ્ટ્રૂમેન્ટ્સ વગાડવામાં તકલીફ પડે છે. તેઓએ ગિટાર કે વાયોલિનની સ્ટ્રિંગ્સને ફરીથી બંધાવીને પછી ઉપયોગમાં લેવું પડે છે.
હેન્ડશેકમાં પણ જ્યારે કોઈ હાથ આગળ કરે ત્યારે તેમને ડાબોડી હોવાના કારણે તકલીફ પડે છે.
ડાબોડી લોકો માઉસને પણ અલગ રીતે યૂઝ કરે છે. ક્લિક કરવા માટે તેઓ રિંગ ફિંગરને બદલે મીડલ ફિંગરનો ઉપયોગ કરે છે.