કોંગ્રેસની ચિંતા / કોરોનાના કારણે 'લર્નિંગ લોસ્ટ', 10-12 બોર્ડની પરીક્ષા માટે તાત્કાલિક અભ્યાસક્રમ ઘટાડે સરકારઃ કોંગ્રેસની માંગ

• ભાર વિનાના ભણતર માટે અભ્યાક્રમ ઘટાડો 
• ધોરણ 10-12 માટે કોંગ્રેસની સરકાર પાસે માંગ 
• કોંગ્રેસ પ્રવક્તાએ મુખ્ય મંત્રીને લખ્યો છે પત્ર 

ગુજરાતના ધોરણ 10-12ના વિધાર્થીઓ ભણતર ગુમાવી રહ્યા છે.કોરોના કાળમાં ધોરણ 10 અને 12ના વિદ્યાર્થીઓએ ઘણું ગુમાવ્યું છે ત્યારે અભ્યાસક્રમમાં ઘટાડો કરવા કોંગ્રેસે રાજ્યના મુખ્યમંત્રી પાસે માંગ કરી છે. કોંગ્રેસ પ્રવક્તા મનીષ દોશીએ રાજ્યના મુખ્ય મંત્રીને પત્ર લખ્યો છે. 

CBSC એ પણ ઘટાડ્યો છે કોર્સ 

કોંગ્રેસ પ્રવક્તાએ મુખ્ય મંત્રીને લખેલા પત્રમાં માગણી કરતા લખ્યું છે કે, કોરોનામાં સૌથી વધુ અસર શિક્ષણને થઈ છે અને વિદ્યાર્થીઓનેકો લર્નિંગ લોસ્ટ થઈ રહ્યો છે. ઉપરાંત CBSEએ પણ નવા શૈક્ષણિક સત્ર  2021-22માં 40 ટકા સુધી અભ્યાસક્રમ ઘટાડવા અંગે જાહેરાત કરી છે. ગુજરાતમાં એક સત્ર પૂર્ણ થયું હોવા છતાં અભ્યાસક્રમ જ નિશ્ચિત નહીં. આ અનિશ્ચિતતા બાળકો અને શિક્ષકો માટે ચિંતાસમાન છે.CBSEએ જુલાઈ મહિનામાં ઘટાડો જાહેર કર્યો હતો.આ અગાઉ 50 ટકા MCQથી પરીક્ષા લેવાઈ હતી. શિક્ષણના દિવસો પણ ઘટીને 140 થયા છે.આવા સંજોગોમાં બોર્ડની પરીક્ષા સામે છે ત્યારે તાત્કાલિક ઘટાડો જાહેર થાય તેવી લાગણી વ્યક્ત કરતો પત્ર રાજ્યના મુખ્યમંત્રી ભૂપેન્દ્ર પટેલને લખ્યો છે.