IPLIN
 

તાનાશાહી / PIના ભાઈની બબાલમાં ચાર પોલીસકર્મીઓએ બે યુવાનોને દંડા-પટ્ટાથી ધોઈ નાંખ્યા, પાટણના MLAએ કરી કડક કાર્યવાહીની માંગ

Team VTV 11:45 AM, 13 Oct 22
Follow us
LCB police beat two youths in Patan MLA of Patan demanded strict action

વામૈયા ગામના બે યુવકોને ગાડી પાર્ક કરવા મામલે એલસીબી પોલીસ કર્મચારીઓ દ્વારા મારવામાં આવેલા ઢોરમાર મામલે એસ.પી કચેરી ખાતે રજૂઆત કરાયા બાદ અંતે કાર્યવાહી કરવામાં આવી છે. બી ડિવિઝન પોલીસ દ્વારા પાટણ એલસીબીના પીઆઇ સહિત કુલ પાંચ લોકો સામે ફરિયાદ નોંધવામાં આવી છે.

  • બે યુવકોને પોલીસ સ્ટેશન લઈ જઈ માર માર્યાનો મામલો
  • પાટણમાં ખુદ કાયદાના રક્ષક બન્યા હતા ભક્ષક
  • LCB પીઆઇ સહિત પાંચ લોકો સામે ફરિયાદ
  • પાટણના ધારાસભ્યએ LCBના PI પર કડક કાર્યવાહીની કરી માંગ

પાટણના સરદાર કોમ્પલેક્ષમાં ગાડી પાર્ક કરવાની નજીવી બાબતે વામૈયા ગામના ઠાકોર સમાજના બે યુવકોને પોલીસકર્મીના ભાઈ સાથે ઝઘડો થતાં LCB પોલીસના કર્મચારી દ્વારા બંને યુવકોને ઢોરમાર મારવામાં આવ્યો હતો. જે બાદ સમાજના અગ્રણીઓ દ્વારા આ મામલે એસ.પી વિજય પટેલને રજૂઆત કરાતા LCB પી.આઈ આર.કે અમીન સહિત પાંચ લોકો સામે બી ડિવિઝન પોલીસ દ્વારા ફરિયાદ નોંધવામાં આવી છે. તો પાટણના ધારાસભ્યએ પોલીસકર્મીઓ સામે કડક કાર્યવાહી કરવાની માંગ કરી છે. 

 

નજીવી બાબતે બે યુવાનોને ઉઠાવી ગઈ હતી LCB પોલીસ
મળતી માહિતી અનુસાર, પાટણના સરસ્વતીનગરના વામૈયાના બળવંતજી ઠાકોર અને અરવિંદજી ઠાકોર નામના 2 યુવકોને પોલીસે બેફામ માર માર્યો હોવાની રાવ ઉઠી છે.  પાટણમાં ફેબ્રિકેશનની દુકાન ચલાવતા બંન્ને યુવકો ગાડી લઇને પસાર થઇ રહ્યા હતા. આ વેળાએ કોમ્પલેક્ષમાં ગાડી પાર્ક કરવા જેવી નજીવી બાબતે પોલીસકર્મીના ભાઇ સાથે ઝઘડો થયો હતો. જે બાદ એલસીબી પોલીસ બળવંતજી ઠાકોર અને અરવિંદજી ઠાકોરને ઉઠાવી ગઇ હતી.

 
બંને યુવકોને ખસેડાયા હતા ધારપુર હોસ્પિટલમાં 
જ્યાં બળવંતજી ઠાકોર અને અરવિંદજી ઠાકોરને દંડા-પટ્ટાથી આડેધડ માર મારવામાં આવ્યો હતો. આ દરમિયાન યુવાનને ગંભીર ઇજા પહોંચતા બંનેને સારવાર અર્થે ખસેડવાની નોબત આવી હતી. જેને લઇને ગંભીર હાલતમાં બંને યુવકોને ધારપુર હોસ્પિટલ ખાતે ખસેડાયા હતા. 

ઠાકોર સમાજમાં ફાટી નીકળ્યો હતો ભારે રોષ 
બે ભાઈઓને પાટણ LCB પોલીસના કર્મચારી દ્વારા માર મારવામાં આવતા ઠાકોર સમાજમાં ભારે રોષ ફાટી નીકળ્યો હતો. સમાજના અગ્રણીઓ દ્વારા કાર્યવાહી કરવાની માંગ સાથે રેલી કાઢી એસ.પી કચેરી ખાતે રજૂઆત કરવામાં આવી હતી. જે બાદ એસ.પી દ્વારા આ સમગ્ર ઘટનાની તપાસ ડીવાયએસપીને સોંપાઈ હતી. 

LCB પીઆઈ સહિત પાંચ સામે ફરિયાદ
બી ડિવિઝન પોલીસ દ્વારા ગાડી પાર્ક કરનાર યુવક રાહુલ પટેલ, એલસીબી પી.આઈ આર.કે અમીન, પોલીસ કર્મચારી ગણપતભાઈ, અંબાલાલ તેમજ અન્ય એક પોલીસકર્મી મળી કુલ 5 લોકો સામે ફરિયાદ નોંધવામાં આવી છે. 

LCB Police beat two youths Patan પાટણ LCB યુવકોને માર્યો માર માર્યો પાટણ યુવકોને ઢોરમાર
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ