ટિપ્પણી / એક વખત જમીન સંપાદન અને વળતર ચૂકવાઈ ગયા પછી તેના પર સંપૂર્ણ માલિકી સરકારની, કોઈ દાવો કરી શકાય નહીં: સુપ્રીમ કોર્ટ

• સુપ્રીમ કોર્ટે આ મામલે અલ્હાબાદ હાઈકોર્ટના નિર્ણયને યથાવત રાખ્યો
• સુપ્રીમ કોર્ટે કહ્યું કે, એક વખત જમીન સંપાદન અને વળતર ચૂકવાઈ તે સરકાર છે
• અમે હાઈકોર્ટે વ્યક્ત કરેલા વિતારો સાથે સંપૂર્ણ સમંત છે- SC

સુપ્રીમ કોર્ટે આ મામલે અલ્હાબાદ હાઈકોર્ટના નિર્ણયને યથાવત રાખ્યો

સુપ્રીમ કોર્ટે કહ્યું છે કે જો સરકાર સંપાદનની પ્રક્રિયા હેઠળ વળતર ચૂકવીને કોઈપણ જમીનનો કબજો લે છે, તો જમીન માલિકનો તે જમીન પર કોઈ દાવો નથી. જો તે આવી જમીનનો કબજો લેશે તો તેને ગેરકાયદેસર ગણવામાં આવશે. સુપ્રીમ કોર્ટે આ મામલે અલ્હાબાદ હાઈકોર્ટના નિર્ણયને યથાવત રાખ્યો છે.જસ્ટિસ એમ.આર.શાહ અને અનિરુદ્ધ બોઝની બેન્ચ ઉત્તર પ્રદેશના એક વ્યક્તિ દ્વારા 2 ફેબ્રુઆરીની ગ્રેટર નોઈડા ઓથોરિટીની નોટિસને પડકારતી અરજી પર સુનાવણી કરી રહી હતી. સત્તાધિકારીએ સંબંધિત વ્યક્તિને જમીનના એક ભાગ પરથી તેનું અતિક્રમણ દૂર કરવા જણાવ્યું હતું.

સુપ્રીમ કોર્ટને જાણવા મળ્યું કે અરજદારને જમીનનું વળતર ચૂકવવામાં આવ્યું

સુપ્રીમ કોર્ટને જાણવા મળ્યું કે અરજદારની જમીન 1996માં જ 1894ના જમીન સંપાદન અધિનિયમ મુજબ સંપાદિત કરવામાં આવી છે, કબજો લેવામાં આવ્યો છે અને વળતર ચૂકવવામાં આવ્યું છે. યુપી સરકારે કહ્યું કે રેવન્યુ રેકોર્ડમાં પણ માલિકી બદલાઈ ગઈ છે. આમ છતાં અરજદારે જમીન પર અતિક્રમણ કર્યું છે.

અમે હાઈકોર્ટે વ્યક્ત કરેલા વિતારો સાથે સંપૂર્ણ સમંત છે- SC

કોર્ટે કહ્યું કે અરજદારને સંબંધિત જમીનનો કબજો લેવાનો કોઈ અધિકાર નથી કારણ કે સંપાદન પછી જમીન સંપૂર્ણપણે રાજ્યનો ભાગ બની ગઈ છે. હાઈકોર્ટે આ બાબતમાં હસ્તક્ષેપ કરવાનો ઈન્કાર કરીને યોગ્ય નિર્ણય આપ્યો છે અને હાઈકોર્ટે વ્યક્ત કરેલા વિચારો સાથે અમે સંપૂર્ણ સંમત છીએ. આમ કહીને સુપ્રીમ કોર્ટે અરજી ફગાવી દીધી હતી.