આમિર ખાનની ફિલ્મ લાલ સિંહ ચડ્ઢા હોલીવુડ ફિલ્મ ફોરેસ્ટ ગમ્પની રીમેક છે. આ ફિલ્મમાં આમિર ખાન સિખની ભૂમિકા નિભાવી રહ્યાં છે, જે માનસિક રીતે ફિટ નથી. જોનારા આ ફિલ્મને સુપરહિટ ગણાવી રહ્યાં છે તો ફિલ્મનો વિરોધ પણ સતત વધી રહ્યો છે.
ફિલ્મ લાલ સિંહ ચડ્ઢા હોલીવુડ ફિલ્મ ફોરેસ્ટ ગમ્પની રીમેક
ઈંગ્લેન્ડના પૂર્વ ક્રિકેટર મોન્ટી પનેસર પણ આમિરની ફિલ્મથી નારાજ
મોન્ટી પનેસરનુ માનવુ છે કે આ ફિલ્મે ભારતીય સેના અને સિખોનુ અપમાન કર્યુ છે. પનેસરે ટ્વિટ કરી લાલ સિંહ ચડ્ઢાને બૉયકોટ કરવાની વાત કહી. પનેસરનુ આ ટ્વિટ સોશિયલ મીડિયામાં ખૂબ વાયરલ થયુ છે. મોન્ટી પનેસરે ટ્વિટ કરતા લખ્યું, ફોરેસ્ટ ગમ્પ અમેરિકાની સેનામાં ફિટ બેસે છે કારણકે અમેરિકાએ વિયતનામ યુદ્ધ માટે ઓછા આઈક્યુવાળા પુરૂષોની પણ ભરતી કરી હતી. લાલ સિંહ ચડ્ઢા ભારતીય સેના, સશસ્ત્ર દળો અને સિખોનુ અપમાન છે.
Forrest Gump fits in the US Army because the US was recruiting low IQ men to meet requirements for the Vietnam War. This movie is total disgrace to India Armed Forces Indian Army and Sikhs !!Disrespectful. Disgraceful. #BoycottLalSinghChaddapic.twitter.com/B8P2pKjCEs
આમિર ખાનની ફિલ્મ લાલ સિંહ ચડ્ઢાએ થિયેટરોમાં એન્ટ્રી આપી દીધી છે. ઘણા વિવાદોની વચ્ચે ફિલ્મ રિલીઝ થઇ ગઇ છે અને દર્શકો ફિલ્મને સારી ગણાવી રહ્યાં છે. જો કે, કેટલાંક લોકો તેને બૉયકૉટ પણ કરી રહ્યાં છે. સોશિયલ મીડિયામાં સતત આ ફિલ્મના વિરોધમાં અભિયાન ચાલી રહ્યું છે. ઈંગ્લેન્ડના પૂર્વ ક્રિકેટર અને સારા સ્પિનર્સમાંથી એક મોન્ટી પનેસર પણ આમિરની ફિલ્મથી નારાજ છે.
ફૉરેસ્ટ ગમ્પ 1994માં થઇ હતી રિલીઝ
હોલીવુડ ફિલ્મ ફૉરેસ્ટ ગમ્પની વાત કરીએ તો 1994માં રિલીઝ થયેલી આ ફિલ્મે 67 કરોડ ડોલર કમાયા હતા. ટૉમ હેંક્સની આ ફિલ્મ સુપરહિટ સાબિત થઇ હતી. હવે જોવાનુ એ છે કે આમિરની આ ફિલ્મ બૉક્સ ઑફિસ પર કેટલુ કલેક્શન કરે છે.