શું બિહારમાં એક લીંબુ જીવથી પણ વધુ મોંઘુ છે? આ અમે સવાલ એમનેમ ઉઠાવતા નથી. ખરેખર કઈક એવુ થયુ છે, જે અંગે જાણીને તમને પણ ગુસ્સો આવશે.
એક લીંબુ માટે ઘરની વહૂની હત્યા કરી દેવામાં આવી
સાસુ અને નણંદે મળીને વહૂની હત્યા કરી
વહૂની ગળુ દબાવીને કથિત રીતે હત્યા કરાઈ
બિહારના ચૈનપુર ગામની ઘટના
બિહારમાં એક લીંબુ માટે ઘરની વહૂની હત્યા કરી દેવામાં આવી. તેની ભૂલ ફક્ત એટલી છે કે તેણે વૃક્ષમાંથી એક લીંબુ તોડી લીધુ હતુ. આરોપ છે કે જેના માટે સાસુ અને નણંદે મળીને વહૂની હત્યા કરી દીધી. સાસુ અને નણંદ આ ઘટનાને અંજામ આપીને ફરાર થયા છે. પોલીસે આ વાતની માહિતી આપી છે. આ આખો મામલો પૂર્વી ચંપારણના છૌડાદાનો પોલીસ સ્ટેશન વિસ્તારના ચૈનપુર ગામનો છે. આ વિસ્તારમાં આ ઘટનાના સમાચાર મળતા જ સનસની ફેલાઈ ગઇ.
એક લીંબુ માટે વહૂની હત્યા
બિહારના પૂર્વ ચંપારણ જિલ્લાના છૌડાદાનો પોલીસ સ્ટેશન વિસ્તાર અંતર્ગત ચેનપુર ગામમાં લીંબુ તોડવાના વિવાદમાં એક પરિણીતાની સાથે તેની સાસુ અને બે નણંદોએ બુધવારે હત્યા કરી તથા ગળુ દબાવીને કથિત રીતે તેની હત્યા કરી દીધી. પોલીસે આ વાતની જાણકારી આપી. છૌડાદાનો પોલીસ સ્ટેશનના પીઆઈ મનોજ કુમાર સિંહે જણાવ્યું કે મરનારી મહિલાની ઓળખ કાજલ દેવી તરીકે કરવામાં આવી છે, જે ચેનપુર ગામની રહેવાસી સુનીલ બેઠાની પત્ની છે.
માથા પર હુમલો અને પછી ગળુ દબાવી કરાઈ હત્યા
પોલીસે જણાવ્યું કે મૃતકના માથા પર ઈજા અને ગળામાં દોરડાના નિશાન દેખાયા છે. પોલીસે લાશને પોસ્ટમોર્ટમ માટે જિલ્લા મથક મોતિહારી સ્થિત સદર હોસ્પિટલ મોકલી દીધી છે. પીઆઈએ જણાવ્યું કે મૃતક મહિલાનો પતિ અને સસરો રાજ્યની બહાર કામ કરે છે અને ઘટનાસ્થળે ઘરમાં હાજર નથી. તેમણે જણાવ્યું કે આરોપી સાસ અને નણંદ બંને ઘર છોડી ફરાર છે. તેમણે જણાવ્યું કે મૃતક મહિલાના પિયરપક્ષના લોકોને જાણ કરી દેવામાં આવી છે.