આંદોલનની ચીમકી / કોન્ટ્રાક્ટ પ્રથા રદ્દ કરી 7મા પગાર પંચના લાભની માગ સાથે મજૂર સંઘના ગાંધીનગરમાં મોટાપાયે ધરણાં

• ગાંધીનગરમાં મજૂર સંઘના ધરણાં
• મોટી સંખ્યામાં કર્મચારીઓ એકઠા થયા
• પડતર પ્રશ્નોને લઈને ધરણાં

વિધાનસભા ચૂંટણી જેમ જેમ નજીક આવી રહી છે તેમ તેમ અનેક સમાજ તેમજ તેને લગતી સંસ્થાઓ પોતાની પડતર માગણીના પ્રશ્નોને આગળ ધરી નિરાકરણ લાવવાના પ્રયાસ કરી રહી છે. ત્યારે આજે ગુજરાત પ્રદેશ ભારતીય મજદૂર સંઘે ગાંધીનગર સત્યાગ્રહ છાવણી ખાતે પડતર પ્રશ્નોને લઈને ધરણાં કર્યા હતા. જેમાં મોટી સંખ્યામાં આશા વર્કરો બહેનો,આંગણવાડી બહેનો, મધ્યાન ભોજન સંચાલકો તેમજ એસ ટી કર્મચારીઓ પણ જોડાયા હતા અને વર્ષોથી વણ ઉકેલાયેલા પડતર પ્રશ્નોની માંગને એક સામટા મળી બુલંદ કરી હતી. 

ગુજરાત વ્યાપી આંદોલનની ચીમકી
આગામી સમયમાં મજૂર સંઘની 23 માંગોને લઈને મુખ્યમંત્રીને આવેદન પત્ર પણ આપવાનો કાર્યક્રમ છે. આજે યોજાયેલા ધરણા કાર્યક્રમમાં કોન્ટ્રાક્ટ પ્રથા રદ કરી 7મા પગાર પંચનો લાભ આપવા માંગ તેમજ જૂની પેન્શન યોજના ફરી શરૂ કરવા માંગ સહિત જુદી જુદી 23 માંગો સાથે જાહેરસભા બાદ કલેકટરને આવેદનપત્ર પાઠવ્યું હતું. સાથે જ ગુજરાત પ્રદેશ ભારતીય મજદૂર સંઘેએ પણ ચીમકી ઉચ્ચારી હતી કે જો યોગ્ય સમય અને યોગ્ય રજૂઆત બાદ પણ જો કોઈ નિરાકરણ નહીં આવે તો મોટાપાયે આંદોલન થશે જે સમગ્ર ગુજરાત વ્યાપી હશે.

શું છે મજદૂર સંધની 23 માંગો?

રાજયના વિવિધ સંગઠનના કર્મચારીઓ મોટી સંખ્યામાં સત્યાગ્રહ છાવણી ખાતે ભેગા થઈને સરકાર સામે વિરોધ પ્રદર્શન ધરણાં કરવામાં આવી રહ્યા છે. અને જેમાં આંગણવાડી કર્મચારીઓ, બોર્ડ નિગમના કર્મચારીઓ, ઇએમઆરઆઇ ૧૦૮ના કર્મચારીઓનીના પોત પોતાના અલગ પ્રશ્નો છે તેમજ પેન્શન અને 7મા પગાર પંચનો લાભ જેવા સયુક્ત પ્રશ્નો પણ જોડાયેલા છે ત્યારે હવે આવનાર સમયમાં જોવું રહ્યું કે આજે મોટા પાયે થયેલા આ ધરણા કાર્યક્રમ બાદ સરકાર પડતર પ્રશ્નોને લઈ નમતું જોખે છે કે નહીં? નહિતર ચુંટણી સામે ઊભી છે અને મજદૂર સંધ લડી લેવાના મૂડમાં છે.