સાવધાન / સરકારે આપી ચેતવણી, હવે આવા SMSથી સચેત રહેજો, નહીંતર લાગશે લાખોનો ચૂનો

• ઓનલાઈન છેતરપિંડીના કિસ્સાઓ દિવસેને દિવસે વધી રહ્યા છે.
• ગૃહ મંત્રાલયના સોશિયલ સાયબર હેન્ડલ 'સાયબર દોસ્ત'એ ટ્વીટ કર્યુ
• KYC ના નામે કૉલ અને SMS કરાય છે 

सावधान रहें और साइबर सुरक्षित रहें। pic.twitter.com/x6Bq7cHrwv

— Cyber Dost (@Cyberdost) December 10, 2021

ઓનલાઈન છેતરપિંડીના કિસ્સાઓ દિવસેને દિવસે વધી રહ્યા છે.

હેકર્સ નવા પ્રકારના હેક્સ લઈને આવી રહ્યા છે, જેનો ઉપયોગ કરીને તેઓ લોકોની મહેનતની કમાણી ખાલી કરી રહ્યા છે. ત્યારે આપણે તમામ પ્રકારની છેતરપિંડીથી સાવચેત રહેવું ખૂબ જ મહત્વપૂર્ણ છે. પછી ભલે તે ફ્રોડ એસએમએસ, ઓનલાઈન શોપિંગ, ડિજિટલ ટ્રાન્ઝેક્શન સાથે સંબંધિત હોય. તમારા બેંક એકાઉન્ટને સુરક્ષિત રાખવા માટે,તમારે સતર્ક રહેવું ખૂબ જ જરૂરી છે. કારણ કે છેતરપિંડી કોઈપણ લિંક, સંદેશ, કૉલ દ્વારા થઈ શકે છે, તમારા માટે આ વિગતો જાણવી મહત્વપૂર્ણ છે જે તમને ઑનલાઇન છેતરપિંડીથી બચાવવામાં મદદ કરશે.

ગૃહ મંત્રાલયના સોશિયલ સાયબર હેન્ડલ 'સાયબર દોસ્ત'એ ટ્વીટ કર્યુ 

ગૃહ મંત્રાલયના સોશિયલ સાયબર હેન્ડલ 'સાયબર દોસ્ત'એ ટ્વીટ કર્યું છે કે બેંક ખાતા સસ્પેન્ડ કરવાવાળા KYC,SMS અને કૉલથી સાવધ રહો. મંત્રાલયે કહ્યું કે છેતરપિંડી કરનારાઓ, લોકોને કેવાયસી પૂર્ણ કરવા માટે કહેતા સંદેશાઓ મોકલીને, બેંક ખાતા સસ્પેન્શનના સંદેશા મોકલી રહ્યા છે અને બાદમાં તેમની માહિતીની ચોરી કરીને છેતરપિંડી કરી રહ્યા છે. તેથી, જ્યારે પણ તમને આવા સંદેશાઓ મળે, તો સૌથી પહેલા સત્તાવાર નંબર પર સંપર્ક કરો અને સંપૂર્ણ માહિતી મેળવો. એ પણ ધ્યાનમાં રાખો કે, ફોન પર તમારી અંગત માહિતી બિલકુલ શેર ન કરો..

KYC ના નામે કૉલ અને SMS કરાય છે 

તમને જણાવી દઈએ કે તમામ બેંકોએ KYC અપડેટ કરવાનું ફરજિયાત બનાવી દીધું છે, ત્યારથી KYCના નામે લોકોને સતત ઘણા ફોન કોલ્સ અને SMS આવી રહ્યા છે. આ સિવાય KYC અપડેટ ન થવાને કારણે બેંક એકાઉન્ટ બંધ કરવાના મેસેજ પણ આવી રહ્યા છે. જો તમને પણ આ પ્રકારનો મેસેજ મળે છે, તો જવાબ આપશો નહીં કે લિંક પર બિલકુલ ક્લિક કરશો નહીં.

આ ભૂલ કરવાનું ટાળો

બેંક ખાતા સાથે જોડાયેલા મેસેજને જોઈને લોકો ઘણી વાર ગભરાઈ જાય છે અને આવી સ્થિતિમાં લોકો ઉતાવળમાં કોઈ પણ વિચાર કર્યા વગર પોતાની માહિતી શેર કરે છે. અથવા KYC અપડેટ કરવાની પ્રક્રિયામાં, એવી એપ ડાઉનલોડ કરો જે સુરક્ષિત નથી. તેથી ધ્યાનમાં રાખો કે સૌ પ્રથમ સંપૂર્ણ માહિતી લો, પછી જ તેના પર વિશ્વાસ કરો.Google પર કસ્ટમર કેર નંબર્સ સર્ચ કરશો નહીં કારણ કે આ ક્યારેક છેતરપિંડી નંબરો પણ હોય છે. આરબીઆઈએ જણાવ્યું કે, લોકોને સાવધાન કરવામાં આવે છે કે તેઓ એકાઉન્ટ લોગિન વિગતો, વ્યક્તિગત વિગતો, KYC દસ્તાવેજોની નકલો, કાર્ડની વિગતો, PIN, પાસવર્ડ, OTP વગેરે અજાણ્યા વ્યક્તિઓ અથવા એજન્સીઓ સાથે શેર ન કરે.