કચ્છના રાપરમાં જુગારધામ પર ડી.જી. વિજિલન્સે રેડ કરી છે. રાપર નગરપાલિકાના કોંગ્રેસના પૂર્વ પ્રમુખના પુત્રના જુગારધામ પર રેડ કરવામાં આવી છે. પૂર્વ મહિલા પ્રમુખ નવલબેન બાંભણીયાનો પુત્ર જુગારધામ ચલાવતો હતો.
પૂર્વ પ્રમુખના પુત્ર અરવિંદ બાંભણીયાની પોલીસે ધરપકડ કરી છે. પૂર્વ પ્રમુખના પુત્ર સાથે 6 શખ્સોની ધરપકડ કરી છે જયારે 3 શખ્સો ફરાર થઇ ગયા છે. જેમાં 3 લાખથી વધુનો મુદ્દામાલ કબ્જે કરવામાં આવ્યો છે.
આ મામલે મળતી વિગતો મુજબ કચ્છની ડી.જીને રાપરમાં જુગારધામ ચાલતું હોવાની બાતમી મળી હતી. આ જુગારધામ રાપર નગરપાલિકાના પૂર્વ પ્રમુખ નવલબેન બાંભણીયાનો પુત્ર ચલાવતો હોવાનું પણ જાણવા મળતા ગતરોજ આ જુગારધામ પર ડી.જી. વિજિલન્સે રેડ પાડી હતી.
અચાનક પડેલ રેડને પગલે જુગાર રમતા લોકોના ગભરાઇ ગયા હતા અને દોડધામ મચી જવા પામી હતી. જો કે પોલીસે આ રેડમાં પૂર્વ પ્રમુખના પુત્ર અરવિંદ બાંભણીયા સહિત 5 લોકોની ધરપકડ કરવામાં આવી હતી. આ સાથે જ 3 લોકો ફરાર થઇ જતાં તેને ઝડપી લેવા કવાયત હાથ ધરવામાં આવી હતી.