27 વર્ષની ઉંમરથી પાકિસ્તાની જેલમાં કેદ હતા કુલદીપકુમાર
1994માં સ્થાનિક લોકોને શંકા જતા એજન્સી દ્વરા ધરપકડ કરાઈ
છેલ્લા 30 વર્ષથી પાકિસ્તાનની જેલમાં જેલવાસ ભોગવનાર ભારતીય કુલદીપ યાદવની આજે વતનવાપસી થઇ છે. કુલદીપ યાદવ કે જેઓ વર્ષ 1992માં પાકિસ્તાન ગયા હતા. તેઓ જ્યારે 1994માં ભારત પરત ફરતી વેળાએ બોર્ડર ક્રોસ કરવા જઈ રહ્યાં હતા એ દરમ્યાન ત્યાંના સ્થાનિક લોકોને શંકા જતા એજન્સી દ્વરા ધરપકડ કરાઈ હતી.
લગભગ 2.5 વર્ષ સુધી કુલદીપ યાદવનું ઇન્ટરોગેશન ચાલ્યું
બાદમાં જૂન 1994માં પાકિસ્તાન એજન્સીના હાથે પકડાયા બાદ કુલદીપ યાદવનું કોર્ટમાર્શલ થયું હતું. લગભગ 2.5 વર્ષ સુધી કુલદીપ યાદવનું ઇન્ટરોગેશન ચાલ્યું. ઇન્ટરોગેશન બાદ 1996માં કુલદીપ યાદવને લાઇફ ઇમ્પ્રિમેન્ટની સજા મળી. જેથી તેઓને સિવિલ જેલ-સેન્ટ્રલ જેલ કોટલખપત લાહોર ખાતે મોકલવામાં આવ્યા.
30 વર્ષે પાકિસ્તાનની જેલમાંથી છૂટીને કુલદીપ યાદવ આજે અમદાવાદ આવી પહોંચ્યા છે. ત્યારે કુલદીપ યાદવે VTV NEWS સાથે ખાસ વાતચીત કરી હતી. પાકિસ્તાની જેલની કડવી યાદની સાથે તેઓએ પરિવારને મળવાની ખુશી પણ વ્યક્ત કરી હતી. 27 વર્ષની ઉંમરથી કુલદીપકુમાર પાકિસ્તાની જેલમાં બંધ હતા. કુલદીપકુમાર પાકિસ્તાની જેલમાં મૃત્યુ પામનાર સરબજીતના મિત્ર હતા. મહત્વનું છે કે, કુલદીપના પરિવારજનોએ તેઓને છોડાવવાના અનેક પ્રયાસો કર્યા હતા.
જાણો કોણ છે કુલદીપ યાદવ?
કુલદીપના જન્મ દહેરાદૂનમાં થયો હતો
1972માં કુલદીપ પરિવાર સાથે અમદાવદમાં શિફ્ટ થયા હતા
1થી 7 ધોરણ સુધી કુલદીપે દેહરાદૂનમાં અભ્યાસ કર્યો હતો
8થી ધોરણ 12 સુધી અમદાવાદની જ્ઞાનદીપ દિન્દી હાઈસ્કૂલમાં અભ્યાસ કર્યો હતો
કુલદીપે સાબરમતી આર્ટ્સ એન્ડ કોમર્સ કૉલેજમાંથી ગ્રેજ્યુએશન કર્યું
ગ્રેજ્યુએશન બાદ કુલદીપે LLBનો અભ્યાસ શરૂ કર્યો હતો
ક્યાંય નોકરી ન મળવાથી કુલદીપે ટ્યૂશન કરાવવું શરૂ કર્યું હતું
જે બાદ પાનની દુકાન અને ગેરેજ પણ શરૂ કરી હતી
અંતે અમૂક લોકો સાથે કોન્ટેક્ટ થવાથી દેશ માટે કામ કરવા પાકિસ્તાન ગયા હતા
કુલદીપ યાદવની 'વતન વાપસી'
કુલદીપ યાદવ વર્ષ 1992માં પાકિસ્તાન ગયા હતા
પાકિસ્તાન જવા સમયે કુલદીપની ઉંમર 27 વર્ષ હતી
1994માં કુલદીપે ભારત પરત ફરવાનો કર્યો હતો પ્રયાસ
બોર્ડર ક્રોસ કરવા જતા પાકિસ્તાની એજન્સીએ કરી હતી ધરપકડ
જૂન 1994માં પાકિસ્તાની એજન્સીના હાથે પકડાયા બાદ કોર્ટમાર્શલ થયું
1994થી અંદાજે 2.5 વર્ષ સુધી કુલદીપ યાદવનું ઈન્ટરોગેશન ચાલ્યું હતું
ઈન્ટરોગેશન બાદ 1996માં કુલદીપ યાદવને લાઇફ ઈમ્પ્રિમેન્ટની સજા મળી હતી
કુલદીપને સિવિલ જેલ- સેન્ટ્રલ જેલ કોટલખપત લાહોર ખાતે મોકલવામાં આવ્યા
26 ઓકટોબર 2021ના રોજ કુલદીપની સજા પૂર્ણ થઈ હતી
24 જૂન 2022ના રોજ કુલદીપને પાકિસ્તાનની સુપ્રીમકોર્ટમાં રજૂ કરવામાં આવ્યા હતા
