- કુલદીપ યાદવ બન્યો આઠમાંથી ચાર મેચમાં મેન ઓફ ધ મેચ
- દિલ્હી કેપિટલ્સનો છે આ ખેલાડી
- પહેલો મેન ઓફ ધ મેચ એવોર્ડ મુંબઈ સામે મળ્યો હતો
કુલદીપ યાદવ બન્યો આઠમાંથી ચાર મેચમાં મેન ઓફ ધ મેચ
કુલદીપ યાદવ આઇપીએલ-૨૦૨૨માં દિલ્હી કેપિટલ્સ માટે શાનદાર પ્રદર્શન કરી રહ્યો છે અને તેણે દિલ્હી તરફથી અત્યાર સુધીમાં કુલ આઠ મેચ રમી છે, જેમાં તેને ચાર મેચમાં પ્લેયર ઓફ ધ મેચનો ખિતાબ મળ્યો છે. આઇપીએલની વર્તમાન સિઝનની કુલ ૪૧મી મેચમાં કુલદીપે કેકેઆર સામે આ લીગમાં પોતાની કરિયરનું સર્વશ્રેષ્ઠ પ્રદર્શન કરીને ત્રણ ઓવરમાં માત્ર ૧૪ રન આપીને ચાર વિકેટ ઝડપી.
.jpg)
દિલ્હી કેપિટલ્સનો છે આ ખેલાડી
કુલદીપ માટે આઇપીએલની ૨૦૨૨ની સિઝન ઘણી શાનદાર રહી છે અને એનાથી સાબિત પણ થઈ ગયું છે કે દિલ્હી તરફથી તે આઠ મેચ રમ્યો છે અને ચાર મેચમાં કુલદીપ પ્લેયર ઓફ ધ મેચ જાહેર થયો છે. આ પહેલાં આઇપીએલમાં કુલદીપ યાદવે ૪૪ મેચમાં માત્ર એક વાર આ ખિતાબ પોતાના નામે કર્યો હતો. કુલદીપે પોતાની આઇપીએલ કરિયર ૨૦૧૬માં શરૂ કરી હતી અને ૨૦૨૦ સુધી તેણે કુલ ૪૪ મેચ રમી હતી. આ દરમિયાન તે એક જ વાર પ્લેયર ઓફ ધ મેચ જાહેર થયો હતો. કુલદીપ વર્તમાન સિઝનની આઠ મેચમાં કુલ ૧૭ વિકેટ ઝડપી ચૂક્યો છે અને પર્પલ કેપની રેસમાં યુઝવેન્દ્ર ચહલને ટક્કર આપી રહ્યો છે.
.jpg)
પહેલો મેન ઓફ ધ મેચ એવોર્ડ મુંબઈ સામે મળ્યો હતો
૨૦૨૨માં કુલદીપને પહેલો પ્લેયર ઓફ ધ મેચો ખિતાબ મુંબઈ સામે મળ્યો હતો, જેમાં તેણે ૧૮ રન આપીને ત્રણ વિકેટ ઝડપી હતી. એ મેચ દિલ્હીએ ચાર વિકેટે જીતી લીધી હતી. ત્યાર બાદ બીજી વાર આ ખિતાબ કેકેઆર સામે મળ્યો, જેમાં કુલદીપે ૩૫ રનમાં ચાર વિકેટ ઝડપી હતી અને દિલ્હીની ટીમ ૪૪ રને મેચ જીતી હતી. ત્રીજી વાર કુલદીપે આ સિદ્ધિ પંજાબ કિંગ્સ સામે મેળવી હતી, જેમાં તેણે ૨૪ રન આપીને બે વિકેટ ઝડપી હતી. એ મેચમાં દિલ્હીએ પંજાબની ટીમને નવ વિકેટે પરાજય આપ્યો હતો. ચોથી વાર આ સિઝનમાં કુલદીપને પ્લેયર ઓફ ધ મેચનો ખિતાબ ફરીથી કેકેઆર સામે મળ્યો, જેમાં તેણે ૧૪ રન આપીને ચાર વિકેટ ઝડપી. ગઈ કાલની મેચમાં દિલ્હીએ કેકેઆરને ચાર વિકેટે પરાજય આપ્યો. કમાલની વાત એ છે કે દિલ્હીને આઠ મેચમાં ચાર જીત મળી છે અને આ ચારેય મેચમાં કુલદીપ યાદવ પ્લેયર ઓફ ધ મેચ જાહેર થયો છે.
