સાપ્તાહિક રાશિ ભવિષ્ય / વૃષભ રાશિને રહેશે આ વ્યવસાયિક ક્ષેત્રે ચડાવ-ઉતારની સંભાવનાઓ, જાણો તમામ રાશિઓનું રાશિભવિષ્ય

મેષ
વ્યવસાયિક યાત્રાઓ ઉપર ખર્ચ કરશો તો તે મોટેભાગે વ્યર્થ જ જશે એવી ગણેશજી દહેશત વ્યક્ત કરે છે માટે આ સમયગાળામાં આવા પ્રકારના ખર્ચથી બચવું આપના માટે હિતકર રહેશે. આ સમયગાળામાં આપના આરામમાં ઘટાડો થાય અને ઉંઘનું પ્રમાણ ઘટે. પરિવારને લઈને યાત્રાના યોગો છે. આ મહિને મિત્રો કે પરિવારજનો તરફથી આપને પૂર્ણ સહયોગ નહીં મળે.

વૃષભ
વ્યવસાયિક ક્ષેત્રે અટકેલા કે લાંબા સમયથી ચાલ્યા આવતું કાર્ય પૂર્ણ થાય અને એનાથી ધનલાભ થાય. જો કે આ અઠવાડિયે વ્યવસાયિક ક્ષેત્રે ચડાવ-ઉતારની પ્રબળ સંભાવનાઓ રહેલી છે. આ સમયગાળામાં તમને દૂરના સ્થળની યાત્રા કરવાનો અવસર મળી શકે. આ સમયગાળામાં મિત્રો, સહયોગીઓ અને ઉચ્ચ અધિકારીઓ તરફથી જરૂરી સહયોગ મળતો રહેશે.

મિથુન
આ સમયગાળામાં ઉધાર પૈસા આપતી વખતે વ્યવહારિક થઈને નિર્ણય લેવાની ગણેશજી સલાહ આપે છે. અન્યથા વધુ પડતા વિશ્વાસને કારણે પૈસો અને સંબંધ બંને ગુમાવવાનો વારો આવે. સ્વાસ્થ્યના મામલે કઠિન સમય ચાલી રહ્યો છે. સંતાનને પણ સ્વાસ્થ્ય સંબંધી મુશ્કેલીઓનો સામનો કરવાનો આવે.
 

કર્ક
આ સમયગાળાના આપના નિર્ણયો દૂરદર્શિતા સાથેના રહેશે. જીવન ઊર્જા અને સાહસથી ભરેલા હોવાના કારણે આ સમયગાળામાં આપના પથ આડે વ્યવસાયિક વિઘ્નોનું પ્રમાણ ઘણું ઓછું થશે. આ સમયગાળામાં આરામ માટેના પૂરતા અવસર નહી મળે અને એ જ મુદ્દો તમને ચિંતા કરાવે. કોર્ટ કચેરીના મામલે સફળતા મળે.

સિંહ
ગૃહસ્થ જીવનની વ્યસ્તતામાં ઘણો વધારો થાય. આ સમયગાળામાં આપના જીવનસાથી સાથે તોછાડાઈ અને અવગણનાભર્યુ વર્તન કરવાથી બચવાની ગણેશજી સલાહ આપે છે અને આ વિષયે ક્રોધ કરવો તમારા હિતની વિરુદ્ધ જશે એ વાતની નોંધ લેવાનું કહે છે, એનાથી સંબંધોની મધુરતામાં ઓછપ આવી શકે છે.  

કન્‍યા
આ સમયગાળામાં આપના સ્વાસ્થ્ય સુખમાં વધારો થાય અને આપને દરેક વાતે પરિવારનો સહયોગ મળી રહે. આ સમયગાળામાં બિનજરૂરી ખર્ચાઓ ઉપર અંકુશ મેળવવામાં આપને સફળતા મળે. આપના હરિફો ઉપર આપનો પ્રભાવ રહેશે. તમને ભાગ્યનો પૂર્ણ સહયોગ મળશે.

તુલા
બિનજરૂરી દોડાદોડી થાય. આકસ્મિક ખર્ચ અને વધુ પડતા ક્રોધને કારણે આપને આર્થિક અને સામાજીક નુકસાનીનો સામનો કરવો પડે. વ્યવસાયિક કાર્યોમાં વિઘ્નો આવી શકે. સુખ સાધનો પાછળના ખર્ચનું પ્રમાણ ઘણું વધે. આંખ સંબંધી રોગ થવાની સંભાવનાઓ છે. આ સમયગાળામાં આપે સાહસનો પરિચય આપીને કરેલાં કાર્યોમાં સફળતા મળવાની સંભાવનાઓ છે. 

વૃશ્ચિક
કાર્યક્ષેત્રે આપના સન્માનને ઠેસ પહોંચવાની સંભાવનાઓ રહેલી છે. આપને વડિલોની સલાહ અને માર્ગદર્શનનો ફાયદો મળી શકશે નહી. નોકરી બદલવી હાલ આપના માટે યોગ્ય નહી રહે અને આવકમાં અનિયમિતતા રહેશે. વ્યવસાયિક કાર્યો માટે કરજ લેવાનો વિચાર કરશો. પ્રેમસંબંધો માટે આ સમયગાળો અનુકુળ નથી. પ્રેમસંબંધ પણ આ સમયગાળામાં આપના માટે કષ્ટપૂર્ણ રહેશે. ધનહાનિની સંભાવનાઓ પણ તમારી ચિંતાઓમાં વધારો કરશે.

ધન
નવા જ વ્યવસાયિક અભિગમને કારણે અધૂરાં કાર્યો પૂરાં થાય. વિદેશના સંપર્કો પણ આપના લાભોમાં વધારાનું કારણ બની શકે છે. આકસ્મિક ધનહાનિની સંભાવનાઓ છે. મહેનત પ્રમાણે ફળ મેળવવામાં હજુ તમારે થોડા વધુ સમયની પ્રતિક્ષા કરવી પડશે. સ્વાસ્થય સંબંધી પરેશાનીઓમાં ઘટાડો થાય. 

મકર
આ સમયગાળામાં પરિવાર સુખમાં ઓછપ આવવાના યોગો છે. પરિવારમાં આપના દાંપત્યજીવનમાં તણાવ અને કડવાશ આવવાની સ્થિતિનું નિર્માણ થાય. આ સમયગાળામાં આપના જીવનસાથીના નિરાશાવાદી સ્વભાવને કારણે તમારી હેરાનગતિઓમાં વધારો થાય. પરિવારજનો ઉપર તમે વધુ પડતો ક્રોધ કરી રહ્યા છે જે તમારા માટે દુભાગ્યને નોતરી શકે છે.

કુંભ
આ સમયગાળામાં આપના માટે વિશેષ કરીને બૌધિક કાર્યોમાં સફળતા મળવાની સંભાવનાઓ રહેલી છે. આવકમાં ચઢાવ-ઉતાર આવતો રહે. તો પણ પ્રમાણસરની આવક જળવાઈ રહેશે. પરિવારમાં ખુશીનો પ્રસંગ પણ આવશે. વ્યવસાયિક ક્ષેત્રે તમારી અપેક્ષા પ્રમાણે પૂર્ણ થઈ જનારી યોજનાઓમાં વિઘ્નો આવતા વિલંબમાં પડે.  સ્વાસ્થ્ય સુખમાં પણ ઘટાડો થાય.  

મીન
આ સમયગાળામાં આપનો તણાવ ઓછો થાય. વિદેશી પ્રવાસની સંભાવનાઓ વધશે અને ટૂંકી મુદતના પ્રવાસની સંભાવનાઓમાં ઘટાડો થશે. ટૂંકી યાત્રાઓ પાછળ કરવામાં આવેલો ખર્ચ આપને કશો ફાયદો ન કરાવે એવું પણ બને. આ સમયગાળામાં આળસને સ્વભાવમાં પ્રવેશવા નહી દેવાની અને મહેનતના મહત્વને સમજવાની ગણેશજી સલાહ આપે છે. એ પણ ખરૂ છે કે આપને કામ પાર પાડવા સામાન્ય કરતા વધારે મહેનતની જરૂર પડશે. આપની યોગ્યતા સિદ્ધ કરવા માટે આપે યોગ્ય સમયની રાહ જોવી પડશે.