કન્સીવ / આ મહિનામાં ન કરવું બેબી પ્લાન, બાળકના સ્વાસ્થ્યને થઈ શકે છે આવા નુકસાન

• મે મહિનામાં ન કરવું બાળકનું પ્લાનિંગ
• બાળકને કેટલીક સમસ્યાઓ થવાના ચાન્સિસ વધી જશે
• જાન્યુઆરી-ફેબ્રુઆરીમાં ડિલીવરી થાય તો ફ્લૂના ચાન્સિસ વધી જાય છે

નેશનલ એકેડમી ઑફ સાયન્સમાં છપાયેલા એક રિપોર્ટ મુજબ, જે મહિલાઓ મે મહિનામાં પ્રેગ્નેન્ટ થાય છે તેમના બાળકને કેટલીક સ્વાસ્થ્ય સંબંધી સમસ્યાઓ થવાનો ખતરો રહે છે. યોગ્ય સમયે બાળક કન્સીવ ન કરવાને કારણે કેટલાક પ્રકારની સમસ્યાઓ થવાના ચાન્સિસ વધી જાય છે. 

જે મહિલાઓ મે મહિનામાં કન્સીવ કરે છે, તેમની ડિલીવરી ડેટ જાન્યુઆરી કે ફેબ્રુઆરી મહિનામાં આવે છે. આ સમયે બહુ વધુ ઠંડી હોય છે. જેથી ફ્લૂ અને ઈનફ્લેમેશન (સોજા)ની સમસ્યા થઈ શકે છે અને આ જ કારણથી નવજાત શિશુ પર પણ તેની અસર થાય છે. સાથે જ માતાને પણ હેલ્થની તકલીફો થઈ શકે છે. 

નવજાત શિશુને રહે છે ખતરો

આ રિસર્ચ 14 લાખ બાળકો અને 6,57,050 મહિલાઓ પર કર્યો હતો. આ સમયમાં પેદા થતાં બાળકોમાં શ્વાસ લેવામાં તકલીફ અને પાચન ક્રિયા સંબંધી સમસ્યાઓ જોવા મળે છે. 

શું છે સમાધાન?

જો તમે આ સમયે કન્સીવ કરો છો અને તમારી ડિલીવરી ડેટ જાન્યુઆરી અને ફેબ્રુઆરીમાં તો આવી સ્થિતિમાં તમારે ફ્લૂ વેક્સીન માટે ડોક્ટરની સલાહ લેવી જોઈએ. સાથે જ આ સમયે મહિલાઓએ બીમાર વ્યક્તિઓથી દૂર રહેવું જોઈએ અને આંખ, મોં અને નાક પર વારંવાર હાથ લગાવવું નહીં અને હેન્ડ વોશ કરતા રહેવું, જેથી બેક્ટેરિયા ફેલાય નહીં. સાથે જ ડોક્ટરના સંપર્કમાં રહેવું અને તમારી અને બાળકની હેલ્થ પર ધ્યાન રાખવું.