Raksha Bandhan 2022 / 11 ઓગસ્ટે છે રક્ષાબંધનનો તહેવાર, તે પહેલા કરી લો આટલા કામ, અતૂટ રહેશે ભાઈ બહેનનો પ્રેમ

• 11 ઓગસ્ટે છે રક્ષાબંધનનો તહેવાર 
• આ પહેલા કરીલો આટલા કામ 
• નહીં તો રાખડી વગર રહી જશે ભાઈનો હાથ 

ભાઈ અને બહેનના તહેવારોમાં રક્ષા બંધન (Raksha Bandhan 2022)નો તહેવાર વિશેષ સ્થાન ધરાવે છે. રક્ષાબંધનનો તહેવાર દર વર્ષે શ્રાવણ મહિનાના શુક્લ પક્ષની પૂર્ણિમાના દિવસે  (Sawan Month 2022) ઉજવવામાં આવે છે. આ દિવસે બહેનો ભાઈને રાખડી બાંધે છે અને ભાઈના લાંબા આયુષ્ય અને સુખી જીવનની કામના કરે છે. 

જ્યારે ભાઈ તેની બહેનોને કંઈક ભેટ આપે છે. સાથે તેમની રક્ષા કરવાનું વચન પણ આપે છે. હિન્દુ શાસ્ત્રોમાં શુભ મુહૂર્તમાં જ ભાઈઓને રાખડી બાંધવાની વાત કહેવામાં આવી છે. ધાર્મિક ગ્રંથો અનુસાર ભદ્રકાળમાં રાખડી બાંધવી અશુભ છે. ભાઈ-બહેન વચ્ચેના પ્રેમ અને સ્નેહનો આ તહેવાર આ વખતે 11 ઓગસ્ટે ઉજવવામાં આવશે. આ તહેવાર પહેલા, એવી કેટલીક બાબતો છે જે સમયસર કરવી જોઈએ.

ભાઈ દૂર હોય તો અત્યારથી જ મોકલો રાખડી 
જો તમારો ભાઈ ક્યાંક દૂર ભણવા કે નોકરી કરવા ગયો હોય. અથવા અન્ય કોઈ કારણસર તમે રક્ષાબંધનના દિવસે તેમને રાખડી બાંધી શકતા નથી, તો આવા સંજોગોમાં આત્યારથી જ તેમને કુરિયર અથવા પોસ્ટ દ્વારા રાખડી મોકલો. જેથી ભાઈને રક્ષાબંધન પહેલા રાખડી મળી જાય અને તે સમયસર રાખડી બાંધી શકે.

બહેન માટે મોકલો ભેટ 
તેવી જ રીતે જો ભાઈ પણ રક્ષાબંધનના દિવસે તેની બહેનને ભેટ આપવા માંગે છે. તો તેણે પણ તે અગાઉથી ખરીદી લેવું જોઈએ અને ટપાલ દ્વારા બહેનને મોકલવું જોઈએ. જેથી બહેનને પણ રક્ષાબંધનના દિવસે ભાઈની ભેટ મળી શકે.

કરાવી લો ટિકિટ બૂકિંગ 
જે ભાઈ-બહેન એકબીજાથી દૂર છે. રક્ષાબંધનના દિવસે તેમની પાસે પહોંચવા માટે તેઓએ તેમની ટિકિટ અગાઉથી બુક કરાવી લેવી જોઈએ. જરૂરી નથી કે તમને તરત જ ટિકિટ મળી જાય. કારણ કે તહેવારોના સમયે ટિકિટ મહિનાઓ અગાઉથી બુક થઈ જાય છે.