ગુજરાતીઓને હાંડવો ખૂબ જ ભાવતો હોય છે. એવું કહેવાય છે કે હાંડવા, ઢોકળા વિના ગુજરાતીઓ રહી ન શકે. જેથી આજે અમે તમે હાંડવાની એવી નવી, હેલ્ધી અને ટેસ્ટી રેસિપી લઈને આવ્યા છે જેને એકવાર બનાવીને ખાશો તો તમે વારંવાર બનાવશો. હાંડવાનું આ હેલ્ધી વર્ઝન ઓછાં તેલમાં બની જાય છે. તો ચાલો જાણી લો ટેસ્ટી હાંડવાની પરફેક્ટ રેસિપી.
સૌથી પહેલાં પાણી લીધા વિના અથવા તો 1 કે 2 ચમચી સાથે ફણગાવેલા કઠોળ મિક્સર અધકચરા વાટી લો. હવે એક બાઉલમાં 1 કપ સોજી લઈ તેમાં અડધો કપ ચણાનો જાળો લોટ લેવો. પછી બંનેને મિક્સ કરીને હવે તેમાં અડધો કપ ખાટ્ટું દહીં નાખીને મિક્સ કરી લેવું. પછી તેમાં 1 કપ પાણી નાખવું. પછી તેમાં ગ્રાઈન્ડ કરેલાં કઠોળ એડ કરીને મિક્સ કરી લો. પછી તેમાં અડધો કપ પાણી નાખીને મિક્સ કરો. પછી ઢાંકીને 10 મિનિટ રેસ્ટ આપીને પછી ખીરામાં મીઠું સ્વાદ પ્રમાણે, અડધી ચમચી હળદર, 2 ચમચી આદુ, મરચાં, લસણની પેસ્ટ, 1 ચમચી ખાંડ નાખીને બધું બરાબર મિક્સ કરી લેવું. હવે છેલ્લે ખીરામાં અડધી ચમચી સોડા નાખીને તેની પર 2 ચમચી તેલ નાખીને એક જ દિશામાં હલાવી લો. હવે એક પેનમાં 3 ચમચી તેલ ગગરમ કરી તેમાં રાઈ, હીંગ, અડધી ચમચી તલ, મીઠો લીમડો નાખીને તેની પર ખીરું નાખી દેવું. હવે ઢાંકણ ઢાંકીને સ્લો ફ્લેમ પર બંને સાઈડ 7 મિનિટ પકાવી લો. તૈયાર છે તમારો એકદમ ક્રિસ્પી અને ટેસ્ટી સ્પ્રાઉ્ટસ હાંડવો.