રેસિપી / કંઈ ગળ્યું ખાવાનું મન થાય તો ફટાફટ બનાવી લો કેળાનો આ ટેસ્ટી અને હેલ્ધી શીરો, સ્વાદ દાઢે વળગશે

સામગ્રી

6 પાકાં કેળા
1 કપ ખાંડ
અડધો કપ ઘી
1 ચમચી એલચી પાઉડર
પાણી જરૂર મુજબ

રીત

સૌથી પહેલાં કેળાને છોલીને તેના નાના ટુકડા કરી લો. હવે એક પેનમાં ઘી ગરમ મૂકો. પછી તેમાં અડધો કપ સોજી નાખીને તેને કલર બદલાય ત્યાં સુધી સાંતળો. હવે તેમાં કેળા નાખી મેશ કરી લો. બધું બરાબર મિક્સ થઈ જાય પછી તેમાં ખાંડ નાખીને મિક્સ કરી લો. હવે એક કે દોઢ કપ ગરમ પાણી નાખી બધું બરાબર મિક્સ કરી લો અને ઘી છૂટે ત્યાં સુધી સતત ચલાવતા રહો, જેથી શીરો નીચે ચોંટે નહીં. છેલ્લે તેમાં એલચી પાઉડર અને તમારા મનગમતા ડ્રાયફ્રૂટ્સ નાખીને સર્વ કરો.