ગજબ / ગુમ થયેલા બાળકોને શોધવામાં મદદ કરશે Instagram, ડિટેલ્સમાં જાણો કઈ રીતે કામ કરે છે નવું ફિચર

• Instagram લઈને આવ્યું નવુ ફિચર 
• ગુમ થયેલા બાળકને શોધવામાં કરશે મદદ 
• જાણો AMBER alerts વિશે ડિટેલ્સમાં 

સોશિયલ મીડિયા સાઈટ Instagram પણ હવે ગુમ થયેલા બાળકોને શોધવા3માં મદદ કરશે. તેની મધર કંપની મેટાએ આ અઠવાડિયાની શરૂઆતમાં કહ્યું છે કે Instagramની લાથે નવું ફિચર AMBER જોડવામાં આવશે જે ગુમ થયેલા બાળકોના વિસ્તારમાં લોકો સુધી નોટિફિકેશન દ્વારા મેસેજ મોકલશે. 

25 દેશોમાં કરી શરૂઆત 
Meta અનુસાર, હાલ આ સુવિધા 25 દેશોમાં શરૂ કરવામાં આવી રહી છે અને જલ્દી જ તેનો વિસ્તાર અન્ય દેશો સુધી પણ વધારવામાં આવશે. ફેસબુકમાં આ ફિચર પહેલાથી જ કામ કરી રહ્યું છે. મેટાનો દાવો છે કે ફેસબુક પર વર્ષ 2015માં આ ફિચર શરૂ થયા બાદથી અત્યાર સુધી તેની મદદથી હજારો બાળકોને શોધવામાં આવ્યા છે. 

મેટાએ ઈન્સ્ટાગ્રામ માટે AMBER Alertsને ઘણા સંગઠનોની સાથે મળીને બનાવ્યું છે. જેમાં અમેરિકાના National Center for Missing & Exploited Children (NCMEC) અને International Centre for Missing & Exploited Children જેવા સંગઠન શામેલ છે. 

આ રીતે સરળ થઈ જશે બાળકોની શોધ 
ઈન્સ્ટાગ્રામે પોતાના બ્લોગ પોસ્ટમાં કહ્યું છે કે અમે બધા આ વાત જાણીએ છીએ કે જેટલા વધારે લોકોને બાળકના ગુમ થવાની ખબર મળશે. તેની શોધ સરળ થઈ જશે.

ખાસ કરીને શરૂઆતના અમુક કલાકોમાં આ ખૂબ જ મદદ કરી શકે છે. જેવું કાયદાકીય એજન્સી એલર્ટ પર બાળકના ગુમ થવાની ખબર આપશે. તે ખાસ એરિયાના દરેક ઈન્સ્ટાગ્રામ યુઝર્સની પાસે એક નોટિફિકેશન પહોંચી જશે. 

કઈ રીતે કામ કરે છે આ ટેક્નિક? 
AMBER alerts કોઈ ખાસ એરિયામાં ઈન્સ્ટાગ્રામ યુઝ કરનારને એક્ટિવેટ કરે છે. જેવો સંદેશ યુઝર્સની પાસે પહોંચે છે તો તે ટેક્નીક તમને જણાવે છે કે તમારા એરિયામાં ગુમ બાળકોની શોધ કરવામાં આવી રહી છે.

આ ટેકનીક યુઝર્સની પ્રોફાઈલ પર લખેલા શહેરને ઓળખીને તેને સંદેશ મોકલી શકે છે. તેના માટે આઈપી એડ્રેસ અને લોકેશન સર્વિસ જેવી ટેક્નીકની પણ મદદ લેવામાં આવે છે. 

બાળકની ડિટેલ્સ મોકલવામાં આવશે 
યુઝર્સને જે એલર્ટ મોકલવામાં આવશે તેમાં બાળકનો ફોટો, તેની ડિટેલ્સ, જે જગ્યા પરથી ગુમ થયું છે તેની જાણકારી ઉપરાંત અન્ય ખાસ સંદેશ પણ શામેલ હશે. તમે ઈચ્છો તો તે મેસેજને તમારા મિત્રને પણ ફોર્વર્ડ કરી શકશો. જેથી ગુમ થયેલ બાળકની તલાશમાં વધુ લોકો શામેલ થઈ શકે.