ફાયદો / એક્સીડેન્ટ થવા ઉપરાંત પણ કામ આવે છે કાર ઇન્શ્યોરન્સ, શું તમે કરાવ્યો ?

આજના સમયમાં કાર લગ્ઝરી નહીં પરંતુ જરૂરીયાત બની ગઇ છે. આ બધાની વચ્ચે સૌથી સારી વાત એ છે કે કાર ખરીદવી ખૂબ જ સરળ થઇ ગઇ છે. આપણે જોયું છે કે કારની ખરીદી કર્યા બાદ લોકો કારની પોતાના કરતાં પણ વધારે દેખરેખ રાખે છે. કારની સફાઇ, એને ખાડા વાળા રસ્તાઓથી ચલાવવા બચવું, પરંતુ જો તમે કાર ઇન્શ્યોરન્સ ખરીદતા નથી તો તમારા આ તમામ પ્રયત્નો બેકાર થઇ જાય છે. 

કેટલીક વખત તો તમે ગાડી યોગ્ય ચલાવો છો પરંતુ બીજાની ભૂલ તમારી ગાડીને ભોગવવી પડે છે. એવામાં તમારી કાર માટે વીમો લેવો સમજદારી ભર્યો નિર્ણય હોય છે. કાર ઇન્શ્યોરન્સ માત્ર એક્સીડેન્ટમાં કારને નુકસાન થવા પર આર્થિકરૂપથી મદદરૂપ થાય છે, સાથે સાથે કાર ચોરી થવા પર અને એમાં તોડફોડ થવા પર પણ આર્થિક મદદ પૂરી પાડે છે. મોટર વાહન એક્ટ 1988 હેઠળ પણ મોટર વાહન માટે આવો વીમો ફરજિયાત છે જે બીજાની લાઇફ અને સંપત્તિને નુકસાનને કવર કરે છે. વીમો ના લેવા પર ભારે દંડ ભરવો પડે છે. 

પ્રાઇવેટ કાર વીમા પૉલિસીમાં 3 પ્રકારના ફાયદા હોય છે  

કાર ચોરી થવા અથવા કારને નુકસાન થવા પર 
જો ગાડીને કોઇ પણ પ્રકારનું નુકસાન થાય છે તો આ સેક્શન અંતર્ગત જ કવર થાય છે. ભૂકંપથી લઇને આગ, ચોરી, ભૂસ્ખલન, તોફાનો, સાઇક્લોન જેવા કોઇ પણ પ્રકારના નુકસાન થવા પર કંપની તમને ક્લેમ આપશે. 

થર્ડ પાર્ટીનું નુકસાન થવા પર 
જો તમારી કારથી કોઇ બીજી વ્યક્તિને કોઇ પ્રકારનું નુકસાન થાય છે તો એનો ખર્ચ પણ વીમા કંપની ઊઠાવશે. 

કાર ડ્રાઇવર અથવા માલિકને ફિઝીકલ નુકસાન અથવા મૃત્યુ થવા પર 
આવી સ્થિતિમાં વીમા કંપની નુકસાનની અવેજમાં વળતર આપવા માટે જવાબદાર હોય છે.