વધશે સમૃદ્ધી / Vastu Tips: ઘરમાં માછલી ઘર રાખવાથી વધે છે આવક, પણ આ ભૂલ કરશો તો થશે ભારે નુકસાન

• માછલી ઘર વાસ્તુ શાસ્ત્રની ખામી માટે રામબાણ ઈલાજ
• ઘરમાં માછલીઘર રાખવાથી સકારાત્મક ઉર્જા અને સમૃદ્ધી આવે છે
• માછલી ઘર રાખતા પહેલા અમુક વસ્તુઓનુ અચુક રાખો ધ્યાન 

ઘરમાં માછલી ઘરને યોગ્ય જગ્યાએ નહીં મુકો તો થશે મુશ્કેલી

માછલી ઘર દરેક પ્રકારના વાસ્તુ શાસ્ત્રની ખામી માટે રામબાણ ઈલાજ છે. ઘરમાં માછલીઘર રાખવાથી સકારાત્મક ઉર્જા, ખુશી અને સમૃદ્ધી આવે છે, પરંતુ માછલી ઘર રાખતા પહેલા તમારે અમુક વસ્તુઓનુ ધ્યાન રાખવુ જોઈએ. માછલી ઘરને યોગ્ય જગ્યાએ મુકવામાં ન આવે તો તેનો ખરાબ પ્રભાવ પડી શકે છે. જેમાંથી આવતો પાણીનો અવાજ ઘરમાં સકારાત્મક વાતાવરણ બનીને રાખે છે અને તેના કારણે ઘરમાં હંમેશા શાંતિનો માહોલ રહે છે.

ક્યા રાખશો માછલી ઘર 

વાસ્તુ શાસ્ત્ર મુજબ માછલી ઘરને હંમેશા લિવિંગ રૂમમાં સાઉથ-વેસ્ટની દિશામાં રાખવુ જોઈએ. જો તમે તેને કોઈ બીજા રૂમમાં રાખવા માંગો છો તો હંમેશા ઉત્તર દિશામાં રાખો. ઑફિસમાં ફિશ એક્વેરિયમને રિસેપ્શન એરિયામાં ઉત્તર અથવા પછી પૂર્વમાં રાખો. જો તમે ઈચ્છો તો નોર્થ વેસ્ટ અથવા પછી સાઉથ ઈસ્ટમાં પણ રાખી શકો છો. ઘરના મેન દરવાજાની ડાબી બાજુ માછલી ઘર રાખવાથી લગ્ન જીવનમાં હંમેશા પ્રેમ રહે છે. માછલી ઘરને એવી રીતે રાખો કે ઘરમાં આવતા દરેક મહેમાન જોઇ શકે. 

આ જગ્યાએ રાખવાથી થાય છે નુકસાન

જો માછલી ઘરને યોગ્ય જગ્યાએ રાખવામાં ના આવે તો ઘણુ નુકસાન પણ થઇ શકે છે. તમારે ક્યારેય પણ બેડરૂમ અથવા પછી રસોડામાં માછલી ઘર ના રાખવુ જોઈએ. આમ કરવાથી ઘરમાં રહેલા લોકોની સ્લીપ સાઈકલ પર પ્રભાવ પાડે છે. ઘરની વચોવચ માછલી ઘરને ક્યારેય ના રાખશો. તેનાથી ઘરમાં પૈસાની સમસ્યા આવે છે. માછલી ઘરને ટીવી અથવા સ્પીકર્સની વધારે નજીક ના રાખશો. આ ઉપરાંત માછલીઘરને સાઉથ ઈસ્ટના ડાયરેક્શનમાં રાખવુ વાસ્તુમાં ખામી માનવામાં આવે છે.