750 વર્ષ પહેલા થયુ હતું આ મંદિરનું નિર્માણ પ્રાચીન ભારતનું છે અદ્ભુત ઉદાહરણ

ઓડિશાના પુરી જિલ્લામાં સ્થિત સૂર્ય મંદિર દુનિયાભરમાં ઘણું પ્રખ્યાત છે. આ મંદિરનું નિર્માણ 750 વર્ષ પહેલા કરવામાં આવ્યુ હતુ. આટલા વર્ષ વિત્યા પછી પણ આ મંદિરની વિશાળતા અદ્ધિતિયતા અને કલાત્મક ભવ્યતા કાયમ છે. 

આ મંદિર ભગવાન સૂર્ય નારાયણને સમર્પિત છે જેને સ્થાનીય લોકો બિરંચિ-નારાયણના નામથી ઓળખે છે. આ જ કારણે આ ક્ષેત્રને અર્ક ક્ષેત્ર કે પદ્મ ક્ષેત્ર પણ કહેવામાં આવે છે.

પુરાણના અનુસાર આ મંદિરની સ્થાપના ભગવાન કૃષ્ણના પુત્ર સામ્બ એ કરી હતી. હકીકતમાં તેમના પુત્રને ઋષિ કટકના શ્રાપના કારણે કોઢ રોગ થઈ ગયો હતો. ત્યાર બાદ સામ્ભાએ ચંદ્રભાગા નદીના સાગર સંગમ પર કોર્ણાર્કમાં 12 વર્ષો સુધી ઘોર તપસ્યા કરી. જેનાથી ભગવાન પ્રસન્ન થયા હતા.

ઘોર તપસ્યા બાદ જ્યારે સામ્બા નો રોગ મટી ગયો ત્યારે તેણે ચંદ્રભાગા નદીમાં સ્નાન કર્યુ. ત્યારે સ્નાન કરતી વખતે તેને ત્યાંથી એક મૂર્તિ મળી ગઈ. મૂર્તિ સુર્ય ભગવાનના શરીરના ભાગથી દેવશિલ્પી શ્રી વિશ્વકર્માએ બનાવી હતી. સામ્બાએ પોતાના બનાવેલા મંદિરમાં મૂર્તિને સ્થાપિત કરી. ત્યારથી જ આ સ્થાનને પવિત્ર કહેવામાં આવે છે.

એવું માનવામાં આવે છે કે આ મંદિર રથના આકારમાં બનેલું છે. તેમાં કિંમતી ધાતુના પૈડા પિલ્લર અને દીવાલો બનેલી છે. મંદિરના પૈડાની ખાસિયત છે કે તે સુર્ય ધડીયાળનું કામ કરે છે. જેની મદદથી દિવસ અને રાત બંન્નેના સાચા સમયની ખબર પડે છે.

આ મંદિરને યૂનેસ્કોએ વિશ્વ વિરાસતનો દરજ્જો આપ્યો છે. સાથે જ આ મંદિર ભારતના સાત આશ્ચર્યોમાં પણ શામેલ છે. ઘણા ઈતિહાસકારોનું માનવું છે કે મંદિરનું નિર્માણ પૂર્વી ગંગા સામ્રાજ્યના મહારાજા નરસિંહદેવ એક એ 1250 સીઈમાં કરાવ્યુ હતુ. આ મંદિર લોકો વચ્ચે ઘણું પ્રસિદ્ધ છે અને દૂર દૂરથી લોકો તેને જોવા મળે છે.