જો તમે ઘરે જ માર્કેટ જેવું દહીં જમાવવા ઈચ્છો છો તો તમે યોગ્ય વાસણ, દૂધનું તાપમાન અને તેને સ્ટોર કરવાની રીત જાણી લો તે જરૂરી છે. તો જાણી લો ખાસ ટિપ્સ અને જમાવો ઘટ્ટ દહીં.
માર્કેટ જેવું દહીં જમાવવું છે
ધ્યાનમાં રાખી લો 10 કમાલની ટિપ્સ
જાણો શું કરશો અને શું નહીં
ગરમીની સીઝનમાં જો દહીં મળી જાય તો ભોજનનો સ્વાદ વધી જાય છે. જો કોઈ મહેમાન આવે અને તમે તેમને લસ્સી બનાવીને પીવડાવતા તેઓ ઠંડક અનુભવી શકે છે. તે સ્વાદની સાથે હેલ્થને પણ ફાયદો કરે છે. દહીં ખાવાથી પેટની તકલીફો રહેતી નથી. દહીંથી તમે શરીરને પ્રોટીન અને અન્ય અનેક પોષક તત્વો આપી શકો છો. બાળકો માટે ગરમીમાં દહીં ફાયદો છે. દહીંમાં ખાંડ નાંખીને ખાવાથી બાળકોને ફાયદો થઈ શકે છે.
ઘરે જમાવેલા દહીંના છે આ ફાયદા
ઘરે જમાવેલું દહીં સ્વાદ વધારે છે. તે વધારે ક્રીમી અને ફ્રેશ પણ રહે છે. ઘરના દહીંમાં એક અલગ મીઠાશ પણ હોય છે. અનેક લોકોને ઘરમાં દહીં મેળવતા આવડતું નથી અને તેના કારણે તેમને મુશ્કેલી આવે છે. અનેક મહિલાઓને ફરિયાદ રહે છે કે તેમનું દહીં માર્કેટ જેવું ઘટ્ટ થતું નથી. જો કે દહીં મેળવવું એ કોઈ મુશ્કેલ કામ નથી પણ જો તમે નાની ટ્રિક્સને જાણી લેશો તો તમે માર્કેટ જેવું ઘટ્ટ દહીં સરળતાથી ઘરે મેળવી શકો છો.
આ રીતે ઘરે જ મેળવી લો માર્કેટ જેવું ઘટ્ટ અને મસ્ત દહીં
ઘરે દહીં મેળવવા માટે તમારી પાસે ફૂલ ક્રીમ દૂધ હોવું જરૂરી છે. તેનાથી દહીં મલાઈદાર બનશે.
દહીં મેળવવા માટે યોગ્ય વાસણ હોવું જોઈએ. જો ઘરમાં કોઈ માટીનું વાસણ હોય તો તેમાં દહીં મેળવો.
દહીં મેળવતા પહેલા દૂધને સારી રીતે ગરમ કરો અને પછી થોડી વાર સુધી ફેંટી લો.
જ્યારે તેમાં ફીણ થાય ત્યારે જે વાસણમાં દહીં મેળવવાનું છે તેમાં દૂધ ભરો.
હવે દહીં મેળવવા માટે તમારે સીઝન અનુસાર દૂધનું ટેમ્પ્રેચર રાખવાનું છે. જેમકે તમે ગરમીમાં દહીં મેળવો છો તો દૂધ સામાન્ય ગરમ રાખો અને જાળીથી ઢાંકીને રાખો.
જો ઠંડીની સીઝનમાં દહીં મેળવો છો તો દૂધ થોડું ગરમ રહેવા દો. ઠંડીમાં તમે તેને ગરમ જગ્યાએ રાખો તો દહીં ઘટ્ટ અને જલ્દી બનશે.
જ્યારે કોઈ પણ વાસણમાં દહીં મેળવવા ઈચ્છો છો તો તેમાં દૂધ નાંખ્યા બાદ તેમાં એક ચમચી દહીંને ઉમેરો અને તેને સારી રીતે હલાવી લો.
વાસણને હલાવ્યા વિના 6-7 કલાક રહેવા દો.
ગરમીમાં દહીં મેળવવા માટે તમારે 7-8 કલાક તેને રાખવું પડે છે તો ઠંડીમાં આ સમય 10-12 કલાકનો રહે છે.
દહીં બરોબર બની જાય એટલે તમે તેને ફ્રિઝમાં રાખો અને ઠંડુ થાય એટલે ઉપયોગમાં લો.
તો આ રીતે તમે પરફેક્ટ રીતે ઘરે જ માર્કેટ જેવું દહીં સરળતાથી બનાવી શકો છો.