વાહ / આ ગામની સરકારી શાળામાં હોંશેહોંશે વિદ્યાર્થીઓ જાય છે ભણવા, શિક્ષક બન્યા આદર્શ

• પોષણ સાથે જ્ઞાનનો ગાર્ડન 
• કિચન ગાર્ડન રૂપમાં ભાવીનું ગાર્ડન 
• શિક્ષણની સાથે ખેતીની સમજ

આચાર્ય નરેન્દ્રભાઈનું આ કિચન ગાર્ડન હાલ સૌ કોઈ માટે આકર્ષણનું કેન્દ્ર બન્યું છે. પરંતુ આ શાળાના બાળકાો માટે તો તે 17 વર્ષથી ધમધમી રહ્યું છે. નરેન્દ્રભાઈએ 17 વર્ષ પહેલા શાળાની લગભગ એક વિઘાના જમીનમાં શાકનું વાવેતર શરૂ કર્યું હતું. જેમાં તેમને ગામના ખેડૂતોનો પણ ખુબ મોટો સહકાર મળ્યો. 
શાળામાં શાકભાજી ઉગાડવાથી વિદ્યાર્થીઓને પોષણક્ષમ આહાર મળી રહે.

માત્ર ગ્રામ લોકો જ નહીં પરંતુ શાળાના વિદ્યાર્થીઓ પણ આકર્ષાયા અને તેનું પરિણામ તમે ખુદ તમારી આંખો સામે જોઈ શકો છે. જોકે આ પ્રકારે શાળામાં શાકભાજી ઉગાડવાથી વિદ્યાર્થીઓને પોષણક્ષમ આહાર તો મળે જ છે. પરંતુ તેની સાથે-સાથે જ્ઞાન પણ મળે છે..કેવી તે...? 

શાકભાજી ખાવામાં આનાકાની કરતા તેમના બાળકો શાકભાજી ખાતા થયાં 

મહત્વનું છે કે, આ કિચન ગાર્ડનમાં બારેમાસ એટલે કો, શિયાળું, ઉનાળુ અને ચોમાસું એમ ત્રણેય ઋતુમાં શાળાના બાળકોને લીલા શાકભાજી મળી રહે છે અને તે પણ સંપૂર્ણ પણે ઓર્ગેનિક. હાલ આકેરા ઉનાળાના અણસાર વર્તાઈ રહ્યા છે તો પણ, હાલની ઘડીએ નરેન્દ્રભાઈની પ્રાથમિક શાળા ખેતરના ખોળે રમતી હોય એવું રળિયામણું દ્રશ્ય જોવા મળે છે. અત્યારે તેમની શાળાનું આંગણ રીંગણ...., ટામેટા...., દૂધી...., ગલકા...., ફ્લાવર.....,કોબીજ....,ગાજર....,મૂળા.....,બીટ...., ધાણા...., મરચાં....., પાલક...., મેથી.....અને સુવા જેવા 14 પ્રકારના શાકભાજીના વાવેતરથી લીલુંછમ. શાકભાજીની આટલી વિવિધતા તો શાકવાળાની દુકાનમાં પણ જોવા મળતી નથી. જોકે અહીં વાલીઓની ચિંતા પણ દૂર થઈ ગઈ છે. કારણ કે, શાકભાજી ખાવામાં આનાકાની કરતા તેમના બાળકો શાકભાજી ખાતા બની ગયા છે.   

શાળાના આંગણામાં ઉછેરલી શાકવાડીમાંથી મળેલા ઉત્પાદનનો રેકોર્ડ રાખ્યો

મહત્વનું છે કે, આ સંનિષ્ઠ શિક્ષકો અત્યાર સુધી શાળાના આંગણામાં ઉછેરલી શાકવાડીમાંથી મળેલા ઉત્પાદનનો રેકોર્ડ રાખ્યો છે. તે પ્રમાણે છેલ્લા લગભગ 17 વર્ષમાં એમણે 8,000 કિલોગ્રામ એટલે કે 800 કિક્વન્ટલથી વધુ શાકભાજીનું ઉત્પાદન છોકરાઓને ભણાવતા-ભણાવતા મેળવ્યું છે અને છોકરાઓને તમામ પ્રકારના શાકભાજી ઓળખતા અને હોંશે હોંશે ખાતા કરી દીધા છે. આજે આ શાળા અને તેના શિક્ષકની મહેનત રાજ્યની અનેક શાળાઓ માટે પ્રેરણા રૂપી છે. જેની નોંધ અન્ય શિક્ષકાોએ પણ ચો[સથી લેવી જોઈએ.