ખુલાસો / કિશન હત્યા કેસ : સંગઠનમાં જોડાવા માટે મૌલાના રુ.365 લેતો ફી, મસ્જિદમાં યુવકોને ફ્રીમાં પુસ્તિકા અપાતી

• ધંધુકા કિશન હત્યાનો મામલે ખુલાસો 
• મૌલાના કમર ગની યુવાનોનું બ્રેઇન વૉશ કરતો
• મૌલાના ઐયુબે કટ્ટરવાદી વાતોની બુકનું ફ્રીમાં કરતો વિતરણ 

અમદાવાદના ધંધુકામાં કિશન ભરવાડ હત્યા મામલે રોજબરોજ નવા ખુલાસાઓ થઇ રહ્યા છે.  પહેલા આરોપીઓનું પાકિસ્તાન અને આતંકી કનેક્શન સામે આવ્યુ ત્યાર બાદ વિદેશી કનેક્શન ખૂલતા તપાસના ધમધમાટ તેજ કરવામાં આવ્યો છે. આ મામલે હવે સેન્ટ્રલ એજન્સી પણ તપાસમાં જોડાઇ છે. સમગ્ર કાવતરા NIA પણ તપાસ કરશે. મૌલાના કમર ગની ઉસમાની અને ઐયુબના કનેક્શનને લઇને તપાસ હાથ ધરાવામાં આવશે.

કમર ગની યુવાનોનું કરતો બ્રેન વૉશ

દિલ્હીથી ઝડપાયેલો મૌલાના કમર ગની ઉસમાની અંગે તપાસમાં ખુલાસો થયો છે તે યુવાનોનું બ્રેઇન વૉશ કરતો હતો.  જે યુવાનો કટ્ટરવાદી માનસિકતા ધરાવતા હોય તેઓનું બ્રેઇન વૉશ કરતો હતો. આવા ઘણા યુવાનો મૌલાનાના સંપર્કમાં હોવાનો ખુલાસો થયો છે.આટલુ ઓછુ હોય તેમ સોશિયલ મીડિયામાં પણ તે યુવાનોને ટાર્ગેટ બનાવતો હતો.  જો કે સોશિયલ મીડિયામાં યુવકોને  કેવી રીતે ટાર્ગેટ કરવામાં આવતા હતા તેને લઇને પણ તપાસ હાથ ધરવામાં આવી છે. 

મૌલાના કમર ગની ગુજરાત 6વાર આવ્યો

મૌલાના કમરગની ઇસ્લામિક સંગઠન સાથે જોડાયેલો હોવાનો ખુલાસો થયો હતો ત્યારે હવે એ પણ સામે આવ્યુ છે કે તે યુવાનોને સંગઠનમાં જોડવા માટે 365 રુપિયાની ફી પણ લેતો હતો. આ માટે તેણે 6 વખત ગુજરાતની મુલાકાત પણ લીધી. તે ગુજરાતમાં અમદાવાદ, વડોદરા અને સુરતમાં રોકાયો હતો. અનેક યુવકોનું બ્રેઇન વૉશ કર્યુ હતું.

મૌલાના ઐયુબે છપાવ્યું હતું પુસ્તકો

અમદવાદ જમાલપુર મસ્જિદનોનો મૌલાના ઐયુબ જાવરવાલા અંગેવધુ એક ખુલાસો થયો છે.મૌલાનાએ જજબા એ શહાદત નામના 1500 જેટલા પુસ્તક છપાવ્યા હતા. મસ્જિદમાં આવનાર દરેક યુવકને તે આ પુસ્તક ફ્રીમાં આપતો હતો. મૌલાના ઐયુબે લખેલા આ પુસ્તકમાં કટ્ટરવાદી વાતોનો ઉલ્લેખ થયો હોવાનો પણ ચોંકાવનારો ઘટસ્ફોટ થયો છે.