Teaser out / આંખોમાં ખુન્નસ સાથે યશનો આ અંદાજ જોઇને તમારા રુંવાડા ઉભા થઇ જશે, KGF-2નું ટીઝર થયુ રિલીઝ

• યશનો આજે જન્મદિવસ 
• કેજીએફનું ટીઝર થયુ રિલીઝ 
• યશનું અસલ નામ નવીન કુમાર ગૌડા છે

યશ એક્ટરનું સ્ટેજ નેમ 
બહુ ઓછા લોકો જાણે છે કે યશનું અસલ નામ નવીન કુમાર ગૌડા છે. તે કન્નડ સિનેમામાં તેણે થોડા જ સમયમાં પોતાનું મોટુ નામ કમાઇ લીધુ હતુ. યશ એક મિડલ ક્લાસ ફેમિલીથી બિલોન્ગ કરે છે જ્યાં તેમના પિતા બસ ચલાવતા હતા અને માતા ગૃહિણી હતી. 

યશનો જન્મ 8 જાન્યુઆરી 1986ના રોજ થયો હતો.2008માં રિલીઝ થયેલી ફિલ્મ મોગિના મનસુ દ્વારા તેણે એક્ટિંગ ક્ષેત્રે પદાર્પણ કર્યુ હતુ. આ ફિલ્મ માટે તેને બેસ્ટ સપોર્ટિંગ એક્ટરનો ફિલ્મફેર અવોર્ડ પણ મળ્યો હતો. તે પહેલા તેણે એક ટીવી સિરીયલમાં કામ કર્યુ હતુ. 

 યશની હિટ ફિલ્મ
2010માં યશની ફિલ્મ મોદાલાસાલા તેના કરિયરની સૌથી હિટ ફિલ્મ હતી. 2014માં રિલીઝ થયેલી તેની ફિલ્મ મિસ્ટર એન્ડ મિસીઝ રામચારી યશ માટે સૌથી મોટી ફિલ્મ સાબિત થઇ હતી. આ ફિલ્મમાં રાધિકા પંડિત લીડ રોલમાં હતી, 

2016માં યશે આ જ લીડ એક્ટ્રેસ રાધિકા પંડિત સાથે લગ્ન કરી લીધા હતા. રાધિકા પણ સાઉથ ઇન્ડસ્ટ્રીની લીડ એક્ટ્રેસ છે. વર્ષ 2008 થી 2016 સુધી યશે ઘણી ફિલ્મોમાં કામ કર્યુ. કન્નડ સિનેમામાં તો તેને ઓળખાણ મળી જ ગઇ હતી પરંતુ તેને વર્લ્ડવાઇડ ઓળખાણ મળી કેજીએફથી. 

2018માં આવ્યું હતુ પહેલુ ચેપ્ટર 
2018માં આવેલી ફિલ્મ કોલાર ગોલ્ડ ફીલ્ડ્ઝ ચેપ્ટર-1 યશના કરિયરની સૌથી મોટી હિટ સાબિત થઇ હતી. માત્ર સાઉથમાં જ નહી દરેક ભાષામાં આ ફિલ્મને ખુબ જ સારો રિસ્પોન્સ મળ્યો હતો. દરેક ભાષાના ચાહકોનો ઉમેરો થયો. 

ચેપ્ટર-1ની વાર્તા રૉકી ભાઇની આસપાસ ફરે છે.  આ ફિલ્મની એક્શન સિકવન્સ ખુબ જ જોરદાર છે. સાથે જ ફિલ્મની વાર્તા અને ઇમોશન્સ દર્શકોના દિલ પીગળાવી દે છે. યશના જન્મ દિવસ પર જ આ ટીઝરને રિલીઝ કરવાનું નક્કી કરવામાં આવ્યું હતું. 

ચેપ્ટર-2નું ટીઝર છે કમાલ
આ ફિલ્મમાં સંજય દત્ત અને રવિના ટંડન પણ છે. સંજય અધિરાના રોલમાં ખુબ જ જામે છે. એક અલગ પ્રકારની દુનિયામાં આ ફિલ્મ આપણને લઇ જાય છે. રવિના ટંડન આ ફિલ્મમાં રાજનેતા બની હોય તેવું ટીઝર પરથી સાબિત થઇ રહ્યું છે અને સંજય એક ખુંખાર વિલનના રોલમાં નજર આવી રહ્યો છે. 

યશનો અંદાજ 
પાવરફૂલ પીપલ મેક્સ પ્લેસીસ પાવરફૂલ આ ડાયલોગ પર જ પૈસા વસુલ છે. યશની આંખોમાં જે પ્રકારે ખુન્નસ દેખાય છે અને બદલાની ભાવનાને તમે પણ ફીલ કરી શકશો. એક બાદ એક એક્શન સીન તમને ડબલ મજા કરાવશે.