તમારા કામનું / Term Insurance ખરીદતી વખતે આટલી વાતોનું ખાસ ધ્યાન રાખો, મોટી મુશ્કેલીઓમાંથી બચી જશો

• ટર્મ પ્લાન લેતી વખતે આ વાતોનું રાખો ધ્યાન 
• મોટાભાગના લોકો કરે છે આવી ભૂલો 
• બાદમાં થઈ શકે છે મોટી મુશ્કેલીઓ

પાછલા થોડા વર્ષોમાં લોકોની વચ્ચે જીવન વીમા પોલિસી ખરીદવાને લઈને ખૂબ જાગૃતતા વધી રહી છે. ટર્મ ઈન્શ્યોરન્સ જીવન વીમા પોલિસીનો જ એક ભાગ છે જે પોલિસીધારકનું મોત થવા પર તેના પરિવારને મોટુ ઈન્શ્યોરન્સ કવર આપવામાં મદદ કરે છે. 

આજના અનિશ્ચિતતાના સમયમાં જો ઘરના વડાનું મૃત્યુ થાય છે. તો આવી સ્થિતિમાં, પરિવારના આશ્રિતોને ટર્મ ઈન્સ્યોરન્સ દ્વારા આર્થિક મદદ મળે છે. જો તમારી પાસે કૌટુંબિક જવાબદારીઓ અને વિવિધ નાણાકીય જવાબદારીઓ હોય, તો ટર્મ ઈન્સ્યોરન્સ લેવો એ એક સમજદાર પગલું હોઈ શકે છે.

આજકાલ માર્કેટમાં આવી ઘણી વીમા કંપનીઓ છે જે ટર્મ ઈન્સ્યોરન્સ પોલિસી વેચે છે. પરંતુ, ઘણી વખત એ સમજાતું નથી કે ટર્મ ઈન્સ્યોરન્સ ખરીદતી વખતે કઈ કઈ બાબતોનું ધ્યાન રાખવું જોઈએ.

આ વાતોનું ધ્યાન રાખીને પસંદ કરો ટર્મ ઈન્સ્યોરન્સ 
જો તમે પણ ટર્મ ઈન્સ્યોરન્સ ખરીદવાનું વિચારી રહ્યા છો તો કેટલીક બાબતોનું ધ્યાન રાખવું ખૂબ જ જરૂરી છે. આનાથી તમને ટર્મ ઈન્સ્યોરન્સનો સંપૂર્ણ લાભ મળશે અને તે તમારી તમામ જરૂરિયાતો પૂરી કરશે.

વાર્ષિક આવકની 9થી10 ગણો હોવો જોઈએ ટર્મ ઈન્સ્યોરન્સ 
ટર્મ ઈન્સ્યોરન્સ ખરીદતી વખતે તમારા પરિવારની જરૂરિયાતોનું ધ્યાન રાખવું અગત્યનું છે. વર્તમાન અને ભવિષ્યની જરૂરિયાતોને ધ્યાનમાં રાખીને ટર્મ ઈન્સ્યોરન્સ ખરીદો. એવું ઘણી વખત જોવામાં આવ્યું છે કે લોકો ટર્મ ઈન્સ્યોરન્સ ખરીદે છે પરંતુ, તે તેમની જરૂરિયાતો અનુસાર પૂરતો નથી. નાણાકીય નિષ્ણાતોના મતે, ટર્મ ઈન્સ્યોરન્સ તમારી વાર્ષિક આવકના ઓછામાં ઓછા 9 થી 10 ગણો હોવો જોઈએ.

આ સાથે પોલિસી ખરીદતી વખતે એ વાતનું ધ્યાન રાખો કે પોલિસી ખરીદતી વખતે તમારી ઉંમર કેટલી છે. જો તમે નાની ઉંમરે પોલિસી ખરીદો છો, તો તેનો કાર્યકાળ લાંબો રાખો.

દરેક લોકો કરે છે આ સમાન્ય ભૂલ
ટર્મ ઈન્સ્યોરન્સ લેતી વખતે લોકો જે સામાન્ય ભૂલો કરે છે તેમાંની એક એ છે કે તેઓ તેમની બીમારી વિશે માહિતી આપતા નથી. આવું કરવાથી બચો. જો તમે પહેલાથી જ સ્વાસ્થ્ય સંબંધિત કોઈપણ પ્રકારની સમસ્યાથી પરેશાન છો તો વીમા કંપનીને અગાઉથી જાણ કરો. આ સાથે તમારે પછીથી ક્લેમ લેતી વખતે કોઈપણ પ્રકારની સમસ્યાનો સામનો કરવો પડશે નહીં.

ક્લેમ સેટલમેન્ટ રેશિયો વધારે હોવો જોઈએ 
ટર્મ ઈન્સ્યોરન્સ ખરીદતી વખતે તમારે માત્ર તે જ કંપની પસંદ કરવી જોઈએ. જેનો ક્લેમ સેટલમેન્ટ રેશિયો વધારે હોય. આના કારણે તમારા પરિવારને પછીથી કોઈ દુર્ઘટનાના કિસ્સામાં કોઈપણ પ્રકારની સમસ્યાનો સામનો કરવો પડશે નહીં.