તમારા કામનું / નવી કાર ખરીદવા જઈ રહ્યા હોવ તો આ 5 વાતોનું રાખો ખાસ ધ્યાન, થશે મોટો ફાયદો

• કાર ખરીદતી વખતે રાખો આ વાતોનું ધ્યાન 
• કંપની તરફથી મળશે ભારે ડિસ્કાઉન્ટ 
• નેગોસિએટ કરીને ડિસ્કાઉન્ટ પર પણ મળશે છૂટ 

જો તમે નવરાત્રીમાં નવી કાર ખરીદવાનું વિચારી રહ્યા છો તો આ સમાચાર તમારા કામના છે. તહેવારોની સિઝનમાં મોટી સંખ્યામાં લોકો કાર ખરીદવાનું આયોજન કરે છે. આવી સ્થિતિમાં કંપનીઓ માર્કેટમાં અનેક પ્રકારની ઓફર્સ પણ લોન્ચ કરે છે તેના ફાયદા પણ ઘણા છે. પરંતુ આ તમામ ઓફર્સમાં કેટલાક હિડન ડિસ્કાઉન્ટ પણ છે જેને જો આપણે સમજીએ તો ઘણો ફાયદો થઈ શકે છે.

ત્યાં જ ઘણી કંપનીઓ રજીસ્ટ્રેશન અને વીમાને લગતી ઓફર પણ કરે છે. આ તમામ વાતોની સાથે જો તમે કાર માટે ફાઈનાન્સ કરાવી રહ્યા હોવ તો પણ તમે મોટી બચત કરી શકો છો. ફક્ત 5 બાબતો ધ્યાનમાં રાખવાની જરૂર છે. આવો અમે તમને જણાવીએ કે કઈ એવી 5 વસ્તુઓ છે જે તમને મોટા ફાયદા આપી શકે છે.

ડિસ્કાઉન્ટ સાથે કઈ ઓફર  
કંપનીઓ કેટલીકવાર કેશ ડિસ્કાઉન્ટ સાથે કોર્પોરેટ ડિસ્કાઉન્ટ અને એક્સચેન્જ ઓફર આપે છે. આનાથી તમને 10 થી 50 હજાર સુધીનો ફાયદો થઈ શકે છે. કારની કિંમત પર ડિસ્કાઉન્ટ છે કે ઓન રોડની કિંમત પર તે વાતની જરૂર જાણકારી મળવો. ઓન રોડ પ્રાઈઝ પર ઉપલબ્ધ ડિસ્કાઉન્ટ ખૂબ ફાયદાકારક છે.

ડીલરની ઓફર્સ પણ ચેક કરો 
કંપનીઓ તરફથી મળતા ડિસ્કાઉન્ટની સાથે ઘણા ડીલરો તેમના વેચાણને વધારવા માટે વધારાનું ડિસ્કાઉન્ટ પણ ઓફર કરે છે. આવા ડીલરોને શોધો અને ડિસ્કાઉન્ટ માટે નેગોશિએટ કરો. આનાથી તમને મોટો ફાયદો મળી શકે છે.

જુની મેન્યુફેક્ચરિંગ
ઘણી વખત જૂની ઉત્પાદિત કાર ડીલરોના સ્ટોકમાં હોય છે. કાર ખરીદતા પહેલા કારની મેન્યુફેક્ચરિંગ ડેટ તપાસો. તમે જુના પ્રોડક્શનની કાર પર ભારે ડિસ્કાઉન્ટ મેળવી શકો છો. આ કારોને લેવામાં કોઈ નુકસાન નથી કારણ કે સરકાર તે કારોને રજીસ્ટ્રેશનની તારીખ અનુસાર ઓનરોડ માનશે. 

જો કે, આ સમય દરમિયાન તે તપાસવું જરૂરી છે કે તે કયા પોલ્યુશન નોર્મનું મોડેલ છે. તમે કાર ડીલર પાસેથી મૂળભૂત એસેસરીઝની માંગ કરી શકો છો. આમાં મડ ફ્લેપ, મેટિંગ, કાર કવર, પરફ્યુમ જેવી એસેસરીઝ ડીલર દ્વારા કોમ્પ્લિમેન્ટ્રી આપવામાં આવે છે. ત્યાં જ તમારી નેગોસિએશન પર નિર્ભર કરે છે કે તમે એસેસરીઝમાં બીજું શું લઈ શકો છો.

ઈન્શ્યોરન્સ
ઈન્શ્યોરન્સ પોલિસી જોવી અને વીમા કંપનીઓની ઓફર્સ જોવી જોઈએ. કયા પોલિસી પ્રોવાઈડરનું સૌથી ઓછું પ્રીમિયમ છે અને તેમાં કેટલું કવર ઉપલબ્ધ છે તે તપાસો. તમે પોલિસી પ્રોવાઈડર પાસેથી ડિસ્કાઉન્ટ પણ માંગી શકો છો.

ફાઇનાન્સ ઓપ્શન તપાસો
જો તમે લોન પર કાર લેવા જઇ રહ્યા છો તો ફાઇનાન્સ ઓપ્શન પણ તપાસો. જો શક્ય હોય તો, કારનું ડાઉનપેમેન્ટ વધારે કરો. તેનાથી તમારી EMI તો ઘટશે જ પરંતુ વ્યાજ તરીકે પણ ઓછા પૈસા ચૂકવવા પડશે. 

બેંકના વ્યાજ દર તપાસો અને સરખામણી કર્યા પછી જ ફાઇનાન્સ લો. લાંબા ગાળાની લોન લેવાનું ટાળો, તેનાથી તમને ઓછા હપ્તા  મળશે પરંતુ વ્યાજ ખૂબ વધારે હશે. આ ઉપરાંત કેટલીક બેંકો તમને ગિફ્ટ ઓફર પણ આપે છે.