બોલિવૂડ એક્ટ્રેસ મંદિરા બેદી સોશિયલ મીડિયા પર ખૂબ જ એક્ટિવ રહે છે. પણ આ વખતે તેણે એક અજીબ તસવીર શેર કરી છે. હકીકતમાં તેણે એક કોલાજ પોસ્ટ કર્યો છે. જેમાં તેની એક તસવીરમાં તે દાઢી-મૂંછમાં જોવા મળી રહી છે. એટલું જ નહીં આવા લુકમાં મંદિરાએ પોતે જ પોતાના વખાણ પણ કર્યા છે. ત્યારે મંદિરાની આ પોસ્ટ પર એક્ટર કાર્તિક આયર્ને એવી મજેદાર કમેન્ટ કરી છે કે, ફેન્સને મજા પડી ગઈ છે.
મંદિરાએ એક એડિટિંગ એપની મદદથી પોતાનો નોર્મલ લુક ચેન્જ કરી નાખ્યો અને તેણે તેની બે તસવીરોનો કોલાજ બનાવ્યો છે. જેમાંથી એકમાં દાઢી-મૂંછ જોવા મળી રહી છે. આ તસવીરોને શેર કરતા મંદિરાએ લખ્યું- મને લાગે છે કે, હું સારાં દેખાતા પુરૂષના લુકમાં સારી દેખાઈ શકું છું. વાળને કારણે આમ પણ મારા વાળને કારણે મારો લુક થોડો તો એવો જ લાગે છે.
મંદિરાએ આ તસવીર શેર કરતાં જ લોકો તેના લુકને કાર્તિક આયર્નની તસવીર સાથે મેચ કરવા લાગ્યા. એક યુઝરે લખ્યું મને લાગ્યું કે જમણી તરફ કાર્તિક આયર્ન છે. તો બીજાએ લખ્યું-મને ક્ષણભર માટે લાગ્યું કે આ તસવીર કાર્તિકની છે.
સોશિયલ મીડિયા પર એક્ટિવ રહેનાર કાર્તિક આયર્ને પણ મંદિરાની પોસ્ટ પર કમેન્ટ કરતાં લખ્યું-બાળપણમાં આપણે કુંભના મેળામાં ખોવાઈ ગયા હતા. તેની આ કમેન્ટ પર ફેન્સ અને ઈન્ડસ્ટ્રીના ફેન્સ પણ મજેદાર કમેન્ટ્સ કરી રહ્યાં છે.