કર્ણાટક વિધાનસભામાં મંગળવારે ગૌરક્ષા કાયદાને લઇને બબાલ થઇ છે. કોંગ્રેસના કેટલાક ધારાસભ્યો તો ઉપસભાપતિ ભોજેગૌડા સુધી પહોંચી ગયા અને તેમની ખુરશીથી નીચે ઉતારવા માટે ધક્કા-મુક્કી કરી હતી. ઉલ્લેખનીય છે કે, આ ઘટનાનો વીડિયો સોશિયલ મીડિયામાં વાયરલ થયો હતો.
કર્ણાટકના ધારસભ્યોએ વિધાનસભામાં કર્યો હોબાળો
ઉપસભાપતિની ખુરશી સુધી પહોંચ્યો
સમગ્ર ઘટનાનો વીડિયો થયો વાયરલ
ઉપસભાપતિને કેટલાક સભ્યોએ કોંગ્રેસના ધારાસભ્યથી છોડાવ્યા હતા. ત્યારબાદ કોંગ્રેસના તમામ ધારાસભ્યોને ગૃહની બહાર મોકલી દેવાયા હતા. જો કે, આ મામલે કોંગ્રેસે વિરોધ પણ કર્યો હતો.
કોંગ્રેસે ભાજપ પર કર્યા પ્રહાર
કોંગ્રેસના ધારાસભ્ય પ્રકાશ રાઠોડે હોબાળો મચાવતા કહ્યું - ગૃહની કાર્યવાહી ચાલતી ન હતી. આ હોવા છતાં ભાજપ અને જનતા દળ સેક્યુલર (JDS)એ ગેરકાયદેસર રીતે ઉપ અધ્યક્ષને તેમની અધ્યક્ષ સ્થાને બેસાડ્યા. દુર્ભાગ્યપૂર્ણ છે કે ભાજપ આવી ગેરબંધારણીય કાર્યો કરી રહ્યું છે. કોંગ્રેસે ડેપ્યુટી ચેરમેનને આસંડીથી પદ છોડવાનું કહ્યું હતું. અમારે તેમને ઉપાડવાની જરૂર નહોતી કારણ કે તેઓ ગેરકાયદેસર રીતે બેઠા હતા.
#WATCH Karnataka: Congress MLCs in Karnataka Assembly forcefully remove the chairman of the legislative council pic.twitter.com/XiefiNOgmq
કર્ણાટક વિધાન પરિષદમાં "કર્ણાટક પશુ કતલ નિવારણ અને સુરક્ષા બિલ -2020" આ વિધેયક 9 ડિસેમ્બરે જ વિધાનસભામાં પસાર કરવામાં આવ્યો છે. ત્યાં પણ કોંગ્રેસના ધારાસભ્યોએ આ બિલ અંગે હોબાળો મચાવ્યો હતો. કોંગ્રેસના કેટલાક સભ્યો દ્વારા વિધાનસભાનો બહિષ્કાર પણ કરાયો હતો. જો કે, આ અંગે ચર્ચા થઈ શકી નથી.