નિર્ભયાની માતા પર પૂર્વ DGPના વિવાદિત નિવેદન છેડાયો વિવાદનો મધપૂડો

નવી દિલ્હી ખાતે યોજાયેલ મહિલા સશક્તિકરણના એક કાર્યક્રર્મમાં કર્ણાટકના પૂર્વ ડીજીપી એચ.ટી.સાંગલિયાને નિર્ભયાની માતા આશાદેવી પર ખૂબ જ વિવાદિત નિવેદન કર્યું હતું. પૂર્વ ડીજીપીએ એક વિવાદિત નિવેદન કરતા જણાવ્યું હતું કે `નિર્ભયાની માતાનું શરીર સૌષ્ઠવ જોતાં કલ્પના કરી શકાય કે નિર્ભયા કેટલી સુંદર હશે.'

જો કે કાર્યક્રમમાં ઉપસ્થિત નિર્ભયાના માતા તે  સમયે ડીજીપીની ભાષા સમજી શક્યા ન હતા પરંતુ કાર્યક્રમમાં ઉપસ્થિત અન્ય મહિલાઓએ ઊભા થઈ જઈને ડીજીપીના નિવેદનનો વિરોધ નોંધાવ્યો હતો. આ ઘટના બાદ નિર્ભયાની માતા આશાદેવીએ મીડિયા સાથેની વાતચીતમાં જણાવ્યું હતું કે અનેક કાર્યક્રમો બાદ સમાજની માનસિકતા બદલાઈ નથી. બીજી તરફ પોતાના આ નિવેદન અંગે શરમાવાના બદલે ડીજીપી સાંગલિયાને પોતાના નિવદેને કોઈ મર્યાદાનું ઉલ્લંઘન નહી કર્યું હોવાનું જણાવ્યું હતું. 

ઉલ્લેખનીય છે કે આ સાથે પૂર્વ DGPએ કહ્યું કે મને પણ મોટાભાગે લોકો કહે છે કે તમે ખૂબ જ સ્લિમ અને યંગ દેખાઓ છો. હું તેના પર ખુશી અનુભવું છું. તેમણે કહ્યું કે હું મારા નિવેદનને સંપૂર્ણપણે મર્યાદાની અંદર સમજું છું અને મને લાગે છે કે લોકો કારણ વગર તેને મુદ્દો બનાવી રહ્યાં છે.