ભારે પડશે ! / એક ખેડૂતના દીકરાની મજાક ક્યારેય ન ઉડાવતાં, SUV કાર લેવા ગયેલા ખેડૂતની સેલ્સમેને કરી મશ્કરી, પછી થઈ જોવા જેવી

• કર્ણાટકના તુમકુરમાં ખેડૂતનું કરાયું અપમાન
• ખેડૂત શોરૂમમાં કાર ખરીદવા માટે ગયો હતો
• કારના સેલ્સમેને કપડા જોઈને ખેડૂતની ઉડાવી મજાક

શોરૂમમાં ખેડૂતની સાથે શું થયુ હતુ 

અપમાનિત થયેલો ખેડૂત 30 મિનિટની અંદર 10 લાખ રૂપિયા રોકડા લઇને પોતાની ડ્રીમ કાર ખરીદવા પાછો આવ્યો. આ મામલો ચિક્કાસાંદ્રા હુબલીમાં રામનપાલ્યાના ખેડૂત કેમ્પેગૌડા આરએલની સાથે થયો. વ્યવસાયે સોપારીનો ખેડૂત કેમ્પેગૌડા એક એસયુવી બુક કરાવવા માટે શોરૂમ ગયો હતો. આ દરમ્યાન સેલ્સમેને તેની વેશભૂષા જોઈને મજાક ઉડાવી. ખેડૂતે મહિન્દ્રા બોલેરો અંગે પૂછપરછ કરી. તે 2 દિવસ પહેલાં પોતાના મિત્રોની સાથે ડીલ ફાઈનલ કરવા માટે શોરૂમ આવ્યો હતો. શરૂઆતમાં ખેડૂતે બે લાખ રૂપિયા ડાઉન પેમેન્ટ કરવા અને એ જ દિવસે ડિલીવરી લેવાની રજૂઆત કરી. સેલ્સ ટીમે ના પાડી દીધી તો તેણે 10 લાખ રૂપિયા રોકડા આપવાની વાત કહી. આરોપ છે કે ત્યારબાદ સેલ્સ ટીમે જાણીજોઈને ખેડૂતની મજાક ઉડાવી છે અને કોમેન્ટ કરી છે. 

સેલ્સમેને ખેડૂતની મજાક કરીને ભગાડ્યો 

સેલ્સમેને કહ્યું, 10 લાખ રૂપિયા તો દૂર તમારા ખિસ્સામાં 10 રૂપિયા પણ નહીં હોય. સેલ્સમેનને લાગ્યું કે ખેડૂત તેનો સમય બરબાદ કરવા આવ્યો છે. જો કે, અહેસાસ થતાં સેલ્સમેને ખેડૂતને કહ્યું કે જો તે 25 મિનિટની અંદર દસ લાખ રૂપિયા રોકડા લઇને આવે છે તો તેને આજે જ કારની ડિલીવરી આપી દઇશુ. 

10 લાખ લઇને શોરૂમ પહોંચ્યો ખેડૂત 

કેમ્પેગૌડા પોતાના ખેતરમાં ચમેલી અને ક્રોસેન્ડ્રા પણ ઉગાડે છે. તેમણે તાત્કાલિક પોતાના મિત્રોને રોકડની વ્યવસ્થા કરવા માટે બોલાવ્યાં. દસ લાખ રૂપિયા એકત્ર કરીને મિત્રોની સાથે તે શોરૂમમાં એસયુવીની ડિલીવરી લેવા પહોંચી ગયો. સેલ્સ ટીમે તેમને જણાવ્યું કે તેમને કારની ડિલીવરી માટે ઓછામાં ઓછા ત્રણ દિવસ જોઈએ. 

શોરૂમમાં ખેડૂતોએ કર્યો હોબાળો

શુક્રવારે થયેલી આ ઘટના બાદ કારની ડિલીવરી ના થઈ.  શનિવાર અને રવિવારે સરકારી રજા હોવાના કારણે કર્મચારીઓએ લાચારી સ્પષ્ટ દર્શાવી. જેનાથી કેમ્પેગૌડા અને તેના મિત્રો નારાજ થયા. તેમણે ફરિયાદ નોંધાવવા માટે પોલીસને બોલાવી.