બોલિવૂડ / કરીના કપૂરના ઘરે ટૂંક સમયમાં ગૂંજશે કિલકારી, પાપા રણધીર કપૂરે જણાવી તેની ડિલીવરી ડેટ

• બોલિવૂડ એક્ટ્રેસ કરીના કપૂર ખાન ટૂંક સમયમાં તેના બીજા બાળકને જન્મ આપવાની છે
• સૈફ ફરી એકવાર પિતા બનશે અને કરીના કપૂર માતા બનશે
• રણધીર કપૂરે કરીનાની ડિલીવરીની તારીખ જાહેર કરી છે

બોલિવૂડ એક્ટ્રેસ કરીના કપૂર ખાન ટૂંક સમયમાં તેના બીજા બાળકને જન્મ આપવાની છે. સૈફ ફરી એકવાર પિતા બનશે અને કરીના કપૂર માતા બનશે. સૈફે પહેલાં જ સ્પષ્ટ કરી દીધું હતું કે કરીના ફેબ્રુઆરીમાં માતા બનવાની છે. જ્યારે હવે કરીનાના પિતા રણધીરે સ્પષ્ટ કર્યું છે કે, આગામી સપ્તાહમાં કરીના માતા બનવાની છે. પાપા રણધીર કપૂરે ડિલીવરીની તારીખ પણ જાહેર કરી છે.

 

 

 

 

View this post on Instagram

 

 

 

 

 

 

 

 

 

 

 

A post shared by Kareena Kapoor Khan (@kareenakapoorkhan)

પાપા રણધીરે ડિલીવરીની તારીખ જણાવી

બોલિવૂડ બબલ નામની એક મનોરંજન વેબસાઇટએ તેના એક હાલના અહેવાલમાં જણાવ્યું છે કે, કરીના કપૂર ખાન ક્યારે ફરી માતા બનવાની છે. કરીના કપૂર ખાનના પિતા રણધીર કપૂરે બોલિવૂડ બબલ સાથે વાત જણાવ્યું કે, કરીનાની ડિલીવરી ડેટ 15 ફેબ્રુઆરીની આસપાસ છે. 

કરીના સોશિયલ મીડિયા પર એક્ટિવ રહે છે

કરીના કપૂર ખાન સતત તેની ડિલીવરીને લઈને અપડેટ આપતી રહે છે. અભિનેત્રીની ડિલીવરીના સમાચાર બહાર આવ્યા બાદથી ચાહકો ખૂબ જ ઉત્સાહિત છે. કરીના પહેલાંથી જ એક બાળક તૈમૂરની માતા છે. બીજા બાળક પછી તૈમૂર મોટો ભાઈ બનશે. તમને જણાવી દઈએ કે, કરીના ગઈકાલે ડોક્ટરને મળવા પહોંચી હતી.

સૈફે લાગણી વ્યક્ત કરી હતી

તમને જણાવી દઈએ કે, સૈફ અલી ખાને ફરીથી પિતા બનવાની લાગણી પર વાત કરી હતી. તેણે કહ્યું હતું, 'આ નવી ફીલિંગ નથી, પરંતુ હું ખૂબ ઉત્સાહિત છું. અમે અમારા ઘરે નવા મહેમાનને આવકારવાની તૈયારી કરી રહ્યાં છીએ. આ ફીલિંગને શબ્દોમાં કહી શકાતી નથી પરંતુ અમેબધાં ખૂબ જ ખુશ છીએ.

કરીના લાલ સિંહ ચઢ્ઢામાં જોવા મળશે

સૈફ પણ ઘણાં પ્રોજેક્ટ્સમાં વ્યસ્ત છે. આ સાથે જ કરીના કપૂર ટૂંક સમયમાં લાલ સિંહ ચઢ્ઢામાં જોવા મળશે. આ ફિલ્મમાં આમિર ખાન તેની સાથે મુખ્ય ભૂમિકામાં હશે. 3 ઈડિયટ્સ પછી તે ફરી એકવાર આમિર ખાન સાથે જોવા મળશે. આ ફિલ્મના શૂટિંગ દરમિયાન કરીનાનો બેબી બમ્પ દેખાવા લાગ્યો હતો.