કપિલ શર્માએ પત્નીને સમય આપવા માટે શોમાંથી બ્રેક લીધો અને ધ કપિલ શર્મા શો બંધ થઇ ગયો છે પરંતુ જલ્દી જ શો ઓનઍર થશે અને જુનો એક કલાકાર પરત ફરશે.
કપિલ શર્મા જલ્દી જ પરત આવશે
જુનો કલાકાર કરશે કમબેક
સલમાન ખાને કરાવી મધ્યસ્થી
હાસ્યનો દરબાર ભરાતો ભલે બંધ થઇ ગયો હોય પરંતુ થોડા જ સમયમાં પરત ફરશે અને તેની સાથે સાથે કપિલનો એક જુનો મિત્ર અને કલાકાર પણ પરત ફરશે.
રિપોર્ટ્સનું જો માનીએ તો ધ કપિલ શર્મા શો નવી ફ્લેવર અને ક્રિએટીવીટી સાથે જુલાઇમાં વાપસી કરશે. આ વાપસી સાથે ફેન્સનું દિલ ખુશ થઇ જશે અને કપિલ શર્મા સાથે સુનિલ ગ્રોવર ફરી એક વાર કોમેડી કરતા નજર આવશે.
કપિલ અને સુનીલ એકસાથે
કપિલ અને સુનીલ વચ્ચે ઝઘડો થઇ જતા તેઓ છેલ્લા 3 વર્ષથી સાથે ન હતા અને સલમાન ખાને બંને વચ્ચેનો ઝઘડો સોલ્વ કરાવ્યો છે. ગુત્થી, રિંકુ ભાભી, ડૉ. મશહૂર ગુલાટી, જેવા જોરદાર કેરેક્ટર પ્લે કર્યા બાદ તેની એક અલગ ફેન ફોલોઇંગ સર્જાઇ ગઇ હતી.
સલમાને મનાવ્યો સુનીલને
એક રિપોર્ટ અનુસાર સલમાન ખાને કપિલ શર્મા અને સુનીલ ગ્રોવર સાથે વાત કરી હતી અને તેમણે સુનીલને સમજાવ્યો હતો કે તે શોમાં વાપસી કરે. ધ કપિલ શર્મા શોનો પ્રડ્યુસર બીજો કોઇ નહી પરંતુ સલમાન ખાન છે. કપિલ શર્માના મેકઅપ આર્ટિસ્ટે સુનીલ સાથે તસવીર શૅર કરી હતી.
થોડા સમય પહેલા આવી હતી અફવા
કપિલ શર્માનો કોમેડી શો ધ કપિલ શર્મા શો દર્શકોનું મનોરંજન કરી રહ્યો છે. શોમાં નાના પરદાથી લઇને બોલિવૂડના તમામ સેલેબ્સ પોતાની ફિલ્મોનું પ્રમોશન કરવા આવે છે. ભારત જ નહી પરંતુ વિદેશી લોકો પણ કપિલના અને તેના શોના ફેન છે.
આ સિઝન થઇ બંધ
સુત્રોનું માનીએ તો કપિલ શર્મા શોની આ સિઝન હવે બંધ થઇ ગઇ છે. આ સિઝન પતે તે બાદ બીજી સિઝન પણ શરૂ થશે પરંતુ શોના ફ્રેશ એપિસોડ્સ માટે ફેન્સે રાહ જોવી પડશે.
આ કલાકાર છે શોમાં
શોમાં કપિલ શર્મા સિવાય કિકૂ શારદા, કૃષ્ણા અભિષેક અને અર્ચના પુરણ સિંહ નજર આવે છે. લોકડાઉન બાદ કપિલનો શો ઓડિયન્સ વગર જ ચાલી રહ્યો છે. તેમ છતાં શોને લોકોએ સપોર્ટ કર્યો છે અને તેની પોપ્યુલારિટી સહેજ પણ ઓછી નથી થઇ.