કોમેડી કિંગના નામથી ફેમસ કપિલ શર્મા અને ગિન્ની ચતરથ બીજા બાળકના માતા પિતા બન્યા છે. ગિન્નીએ દિકરાને જન્મ આપ્યો છે જેની તસવીર કે નામ કપિલે ફેન્સ સાથે શૅર નથી કર્યુ.
હાલમાં જ કપિલના દિકરાનું નામ તેણે શૅર કર્યુ અને તેનો મિનિંગ જાણીને તમે પણ પ્રશંસા કર્યા વગર નહી રહી શકો.
કેવી રીતે સામે આવ્યું નામ
કપિલ શર્મા અને ગિન્ની ચતરથ ફેબ્રુઆરીમાં બીજી વાર પેરેન્ટ્સ બન્યા પરંતુ કંઇક એવુ થયુ કે સોશ્યલ મિડીયા પર કપિલે તેના દિકરાનુ નામ કહી દીધુ છે. કપિલના બર્થ ડે પર સિંગર નીતિ મોહને તેને શુભકામનાઓ આપી અને પૂછી લીધુ કે હવે તો કહી દે તારા બાળકનું નામ શું રાખ્યુ છે અને તેને જવાબ આપતા કપિલે સોશ્યલ મિડીયા પર તેનુ નામ કહી જ દીધુ.
શું છે કપિલના દિકરાનુ નામ
કપિલે તેના દિકરાનું નામ ખુબ અલગ રાખ્યુ છે. તમને જણાવી દઇએ કે તેનું નામ ત્રિશાન રાખ્યુ છે અને તેના નામના બે અર્થ થાય છે. પહેલો અર્થ આનંદનો રાજા અને બીજો અર્થ છે જીત, વિજય.
કપિલ સાથે કામ કરવાની તક
મેકર્સે ટ્વિટ કર્યું છે- કપિલ શર્મા શોની ટીમ શોધી રહી છે એક્ટર્સ અને રાઈટર્સ. આ છે સમગ્ર દેશને હસાવવાની સોનેરી તક. શોના મેકર્સે એક લિંક પણ શેર કરી છે, જેમાં લખ્યું છે- જો તમે એક રાઈટર અથવા એક્ટર છો તો તમારી પાસે ધ કપિલ શર્મા શોનો ભાગ બનવાની સોનેરી તક છે. તમને જણાવી દઈએ કે, શોમાં અત્યારે કૃષ્ણા અભિષેક, કિક્કૂ શારદા, ભારતી સિંહ, સુમોના ચક્રવર્તી, ચંદન પ્રભાકર અને અર્ચના પૂરણ સિંહ પહેલાંથી જ જોડાયેલા છે.
SKTVના CEO નદીમ કોશિયરીએ કહ્યું- કપિલ શર્મા અને શોની તમામ સ્ટાર કાસ્ટ દેશમાં ખૂબ જ પોપ્યુલર છે. ત્યારે અમે રોજ ઓડિયન્સને કંઈક નવું અને એક્સાઈટિંગ આપવાની કોશિશ કરી રહ્યાં છીએ. નવી કાસ્ટ અને ટીમને હાયર કરવું તેનો જ એક ભાગ છે. આ અંગે કપિલ શર્માએ કહ્યું કે, તે નવી ટીમને લઈને ઘણો જ એક્સાઈટેડ છે.
તમને જણાવી દઈએ કે, કપિલ શર્મા શો અત્યારે સલમાન ખાન ટેલિવિઝન્સ પ્રોડ્યૂસ કરી રહ્યાં છે. સલમાન ખાને કોમેડી કિંગનો સાથ એ વખતે આપ્યો હતો જ્યારે તે ખૂબ જ ખરાબ સમયમાંથી પસાર થઈ રહ્યો હતો. કપિલ શર્મા શોના સ્ટાર કોમેડિયન સુનીલ ગ્રોવરની સાથે તેના ઝઘડા બાદ શોની ટીઆરપીમાં જબરદસ્ત ઘટાડો થયો હતો અને પછી સલમાને જ્યારે કપિલનો સાથ આપીને તેની શોમાં વાપસી કરાવી ત્યારે કપિલના સિતારા ફરી ચમકી ઉઠ્યા અને શો ફરી હિટ થઈ ગયો.