બોલિવૂડ / શું હવે 'કપિલ શર્મા શો' ટીવીથી OTT પર થશે શિફ્ટ? આ વીડિયોને કારણે શોના ચાહકો થયા નિરાશ

• કોમેડી શો 'ધ કપિલ શર્મા શો' હાલમાં બંધ છે
• કપિલ શર્માના ચાહકો પણ તેને ખૂબ યાદ કરી રહ્યાં છે
• હવે એવા સમાચાર છે કે 'કપિલ શર્મા શો' ટીવીથી OTT પર શિફ્ટ થશે

ટીવીનો લોકપ્રિય કોમેડી શો 'ધ કપિલ શર્મા શો' હાલમાં બંધ છે. લોકોને પેટ પકડીને હસાવનાર કપિલ શર્માના ચાહકો પણ તેને ખૂબ યાદ કરી રહ્યાં છે. ચાહકોને સારાં સમાચાર આપતી વખતે કપિલ શર્માએ થોડા દિવસો પહેલા જાહેરાત કરી હતી કે તે નેટફ્લિક્સ પર જોવા મળવાનો છે. મીડિયા રિપોર્ટ્સ અનુસાર કપિલનો શો 'કપિલ શર્મા કોમેડી સ્પેશિયલ' હવે નેટફ્લિક્સ પર આવી રહ્યો છે. આ એનાઉન્સમેન્ટ પછી કપિલના ચાહકોના મનમાં એવો સવાલ આવી રહ્યો છે કે શું હવે કપિલ સોની ટીવી પર પાછો નહીં ફરે? શું હવે કપિલની કોમેડી ટીવીની જગ્યાએ નેટફ્લિક્સ પર જોવા મળશે? સાથે કોમેડી કિંગ કપિલ શર્માએ આ મામલે હજી સુધી કોઈ પ્રતિક્રિયા આપી નથી.

 

 

 

 

View this post on Instagram

 

 

 

 

 

 

 

 

 

 

 

A post shared by Kapil Sharma (@kapilsharma)

જોકે કપિલ શર્માના કેટલાક ચાહકો એવી અટકળો પણ લગાવી રહ્યાં છે કે નેટફ્લિક્સ સિવાય કપિલ ટીવી પર પણ વાપસી કરશે. કપિલ શર્માએ તાજેતરમાં જ નેટફ્લિક્સનો પ્રોમો પણ શેર કર્યો હતો, જેમાં કપિલે લખ્યું હતું કે, 'ચલો ભાઈ નેટફ્લિક્સ, ઘણો સમય થઈ ગયો છે, તો મને કહો કે મારો કોમેડી સ્પેશિયલ ઓર્ડર ક્યારે આવશે?' તમને જણાવી દઈએ કે છેલ્લે 30 જાન્યુઆરીએ 'ધ કપિલ શર્મા શો' ટેલિકાસ્ટ કરવામાં આવ્યું હતું, જેમાં 'વાગલે કી દુનિયા' ની સ્ટારકાસ્ટ ઉપરાંત મ્યુઝિક વીડિયો 'મહેંદી વાલે હાથ' ફેમ ગુરુ રંધાવા અને સંજના સાંઘી પહોંચ્યા હતા.

હાલમાં કપિલ શર્મા બીજી વખત પિતા બન્યો છે. કપિલ શર્માની પત્ની ગિની ચતરથે થોડાં દિવસો પહેલાં જ એક પુત્રને જન્મ આપ્યો હતો, જેની જાણકારી કોમેડી કિંગ કપિલ શર્માએ પોતે સોશિયલ મીડિયા પર આપી હતી. પુત્રના જન્મની ઘોષણા કરતી વખતે કપિલ શર્માએ  ચાહકોની દુઆઓ માટે ચાહકોનો આભાર માન્યો.