વિવાદ / મહેશબાબુનાં બોલિવુડને લઈને વિવાદિત નિવેદન પર સપોર્ટમાં ઉતરી કંગના, તેલુગૂ ફિલ્મ ઇન્ડસ્ટ્રીને ભારતની નંબર 1 ઇન્ડસ્ટ્રી જણાવી

• મહેશ બાબૂએ કહ્યું હતું કે બોલિવુડ મને અફોર્ડ ન કરી શકે 
• કંગના ઉતરી મહેશબાબૂનાં સપોર્ટમાં 
• બોલિવુડ ખરેખર તેમને અફોર્ડ ન કરી શકે - કંગના 

મહેશ બાબૂએ કહ્યું હતું કે બોલિવુડ મને અફોર્ડ ન કરી શકે 

સાઉથનાં સુપરસ્ટાર મહેશબાબૂ  પોતાના એક નિવેદનને કારણે આજકાલ વિવાદોમાં ઘેરાયેલા છે. હાલમાં જ એક ઇવેન્ટ દરમિયાન તેમણે બોલિવુડ ઈન્ડસ્ટ્રી પર નિશાનો સાધ્યો હતો. મહેશબાબૂનું કહેવું હતું કે તેમને ઘણી ઓફરમળે છે બોલિવુડ તરફથી, પરંતુ આ ઈન્ડસ્ટ્રી તેમને અફોર્ડ ન કરી શકે. આવામાં બોલિવુડમાં કામ કરીને તેઓ પોતાનો સમય વેડફવા માંગવા નથી. જ્યારથી મહેશબાબૂનું આ નિવેદન સામે આવ્યું છે, ત્યારથી બોલિવુડ સાથે જોડાયેલ તમામ લોકો આના પર રિએક્શન આપતા જોવા મળી રહ્યા છે. મહેશબાબૂએ થોડા જ સમયમાં ફરી સ્પષ્ટતા આપતા કહ્યું કે મીડિયા દ્વારા તેમના નિવેદનને તોડી મરોડીને રજૂ કરવામાં આવ્યું છે. 

મહેશબાબૂને કંગનાએ કર્યો સપોર્ટ 
હવે કંગનાએ પણ કહ્યું છે કે ખરેખર આ ઈન્ડસ્ટ્રી મહેશબાબૂને અફોર્ડ નથી કરી શકતી. કંગના કહે છે કે મહેશબાબૂ સાચા છે અને બોલિવુડ તેમને અફોર્ડ કરી શકે તેમ નથી. કંગનાએ આ મુદ્દા પર આગળ વાત કરતા કહ્યું કે હું જાણું છું કે ઘણા ફિલ્મ મેકર્સે તેમને ઓફર પણ આપી છે અને તેમની જનરેશને તેલુગૂ ફિલ્મ ઈન્ડસ્ટ્રીને ભારતની નંબર 1 ઈન્ડસ્ટ્રી બનાવી દીધી છે. 

તેઓ પોતાની ઇન્ડસ્ટ્રીનું સન્માન તો કરશે ને - કંગના 

આગળ કંગનાએ કહ્યું કે આપણે દરેક નાની નાની વાતોને કોન્ટ્રોવર્સીનું નામ ન આપવું જોઈએ, કેમકે તેમાં કોઈ સેન્સ બનતી નથી. આપણે એમ પણ કહી શકીએ કે અમને હોલીવુડ અફોર્ડ કરી શકે તેમ નથી. અહી સૌથી વધારે મહત્વની વાત એ છે કે જે ઇન્ડસ્ટ્રીએ તેમને બનાવ્યા છે, તેઓ તેનું સન્માન તો કરશે જ. જે સ્થાન પર આજે તેઓ છે, તે ઇન્ડસ્ટ્રીને કારણે જ છે.