બોલિવૂડ / કંગના રનૌતનો પાસપોર્ટ થઈ ગયો રિન્યૂ, એક્ટ્રેસે ખુશી જાહેર કરતા શેર કરી પોસ્ટ, હવે જલ્દી શરૂ કરશે આ કામ

• પાસ્પોર્ટ કંટ્રોવર્સીને કારણે ઘણાં સમયથી ચર્ચામાં હતી કંગના
• કંગનાનો પાસપોર્ટ રિન્યૂ નહોતો થઈ રહ્યો
• હવે કંગનાએ ફેન્સને આપ્યા સારાં સમાચાર

તમને જણાવી દઈએ કે છેલ્લા કેટલાક દિવસથી કંગના તેનો પાસપોર્ટ રિન્યૂ ન થવાને કારણે ચર્ચામાં હતી, પરંતુ હવે તેનો પાસપોર્ટ રિન્યૂ થઈ ગયો છે. આ વાતની જાણકારી કંગનાએ તેના સોશિયલ મીડિયા એકાઉન્ટ પર આપી છે. પોસ્ટ શેર કરીને એક્ટ્રેસ પોતાની ખુશી જાહેર કરી છે. 

 

 

 

 

View this post on Instagram

 

 

 

 

 

 

 

 

 

 

 

A post shared by Kangana Ranaut (@kanganaranaut)

કંગનાએ એક તસવીર શેર કરીને ઇન્સ્ટાગ્રામ પર પાસપોર્ટ રિન્યૂ થઈ ગયો હોવાની માહિતી આપી છે. કંગનાએ પોતાની પોસ્ટના કેપ્શનમાં લખ્યું, ' મને મારો પાસપોર્ટ મળી ગયો... તમારી ચિંતા અને શુભેચ્છાઓ બદલ તમારો આભાર. ચીફ હું જલ્દી તમારી સાથે હોઈશ. આ પોસ્ટમાં કંગનાએ રજનીશ ઘાઈને ટેગ કર્યા છે અને #Dhaakad પણ લખ્યું છે. આ તસવીરમાં કંગનાની ખુશી સ્પષ્ટ જોઈ શકાય છે. છેલ્લાં કેટલાક દિવસોથી કંગના પાસપોર્ટ રિન્યૂને લઈને ખૂબ જ પરેશાન હતી, જેનું દર્દ તેણે સોશ્યલ મીડિયા પર પણ શેર કર્યું હતું.

અગાઉ કંગનાએ કહ્યું હતું કે તેણે એવી નકારાત્મક લાગણીઓ અનુભવી જાણે કે તે 'ડેડ એન્ડમાં અટકી ગઈ હોય'. આ અઠવાડિયાની શરૂઆતમાં કંગનાએ બોમ્બે હાઇકોર્ટમાં અરજી કરી હતી, જેમાં એમ કહેવામાં આવ્યું હતું કે મુંબઇની સ્થાનિક પાસપોર્ટ ઓથોરિટીએ તેના વિરુદ્ધ મુંબઈ પોલીસ દ્વારા નોંધાવેલી એફઆઈઆરને કારણે તેના પાસપોર્ટને રિન્યૂ કરવાનો ઇનકાર કરી દીધો હતો. આ કેસની સુનાવણી 25 જૂન સુધી મુલતવી રાખવામાં આવી.

કંગના ટૂંક સમયમાં  રજનીશ ઘાઈ દ્વારા દિગ્દર્શિત જાસૂસ થ્રિલર 'ધાકડ'નું શૂટિંગ ફરી શરૂ કરશે. આ ફિલ્મમાં અર્જુન રામપાલ અને દિવ્યા દત્તા પણ મહત્વની ભૂમિકામાં છે. અગાઉના એક નિવેદનમાં, કંગનાએ ધાકડને એક પ્રકારની મહિલા પ્રધાન એક્શન ફિલ્મ કહી હતી. જે ભવ્ય ધોરણે બનાવવામાં આવી રહી છે. તેણે કહ્યું, 'જો દર્શકોને આ ફિલ્મ પસંદ આવશે તો ભારતીય સિનેમામાં મહિલાઓની પાછળ જોવાની જરૂર નહીં પડે.