- કંગના રનૌતના ફેન ફોલોઇંગમાં જોડાયુ આ એક નામ
- યોગી આદિત્યનાથે કંગનાને લઇને કહી આ વાત
- સોશિયલ મીડિયામાં કંગનાએ યોગીજીને કર્યા ટેગ
બોલિવૂડ ક્વિન ગણાતી અભિનેત્રી એટલે કંગના રણૌત. કંગના પોતાના અભિનયની સાથે સાથે બિંન્દાસપણુ અને પોતાના સ્પષ્ટ શબ્દોને લઇને હંમેશા લાઇમ લાઇટમાં રહે છે.ત્યારે ફરી એકવાર કંગના લાઇમલાઇટમાં આવી ગઇ છે એને તે પણ યુપી સીએમ યોગી આદિત્યનાથને કારણે. જી. હા આપ સૌ જાણીએ છીએ કે કંગના રનૌત દેશપ્રેમી છે તે અવારનવાર સોશિયલ મીડિયામાં પોતાના મંતવ્યો અને વિચારો રજૂ કરતી રહે છે. દેશ વિરોધી તત્વો હોય કે પછી દેશ વિશેની વાત હોય તે હંમેશા પોતાનો મત સોશિયલ મીડિયા પર વ્યક્ત કરતી જોવા મળે છે. બોલિવુ઼ડમાં કંગનાના ઘણા દુશ્મનો છે પણ ફેન ફોલોઇંગ તેની ઘણી જ વધારે છે પરંતુ હવે આ લિસ્ટમાં વધુ એક ખાસ નામ જોડાઇ ગયુ છે અને તે નામ છે મુખ્યમંત્રી યોગી આદિત્યનાથ.
યોગી આદિત્યનાથના એક નિવેદનથી કંગના રનૌત ચર્ચામાં
અભિનેત્રી કંગના રણૌતે તેના ઈન્સ્ટાગ્રામ પર એક વીડિયો શેર કર્યો છે, જેમાં યોગી આદિત્યનાથ કહે છે કે દુનિયાની ફિલ્મ સિટી શ્રેષ્ઠ ફિલ્મ સિટી બનશે. ત્યારે એક વાતના જવાબમાં મુખ્યમંત્રી યોગી આદિત્યનાથ કહે છે કે "હું કંગનાજીની ફિલ્મ ચોક્કસ જોઈશ". આ વીડિયો ક્લિપને કંગનાએ પોતાની ઈન્સ્ટા સ્ટોરી સાથે શેરી કરી છે. કંગના રનૌતે લખ્યું, 'મહારાજ જી'. આ સાથે તેણે યોગી આદિત્યનાથને પણ ટેગ કર્યા છે.
કંગના સોશિયલ મીડિયા પર રહે છે એક્ટિવ
બોલિવૂડ એક્ટ્રેસ કંગના રણૌત સોશિયલ મીડિયા પર ઘણી એક્ટિવ રહે છે. તે પોતાની પોસ્ટ્સથી બધાનું ધ્યાન ખેંચે છે. તમને જણાવી દઈએ કે કંગના પણ ઘણી વખત બીજેપીના સમર્થનમાં ટ્વીટ કરતી રહે છે અને ઘણી વખત બીજેપી વિશેના તેના ટ્વીટ અને નિવેદનો ખૂબ વાયરલ થઈ જાય છે. હાલમાં જ કંગના ખેડૂતો પર પોતાના ટ્વિટને કારણે ચર્ચામાં આવી હતી. આ સિવાય તેણે દેશની આઝાદી અંગે પણ નિવેદન આપ્યું હતું, જેના કારણે સોશિયલ મીડિયા પર ભારે હોબાળો થયો હતો.
તેજસ ફિલ્મને લઇને ચર્ચામાં કંગના
કંગનાના વર્ક ફ્રન્ટની વાત કરીએ તો તે ફિલ્મ 'પંગા' અને 'થલાઈવી'માં જોવા મળી હતી. ફિલ્મ 'પંગા'માં ફરી કબડ્ડી ચેમ્પિયન બનવાની વાર્તા દર્શાવવામાં આવી છે, જ્યારે 'થલાઈવી'માં કંગનાએ જયલલિતાની ભૂમિકા ભજવી હતી. હવે કંગના તેની આગામી ફિલ્મ તેજસને લઈને ચર્ચામાં છે.
